استانانىڭ ىرگەسىندەگى اۋدانداردا اگروونەركاسىپ سالاسى قالاي دامىپ جاتىر

سەلينوگراد اۋدانى - ىرگەلى ونەركاسىبى مەن اۋىل شارۋاشىلىعى قاتار دامىعان استانالىق اۋدانداردىڭ ءبىرى.

ەلوردانىڭ ازىق-تۇلىك بەلدەۋىن جاساۋ باعدارلاماسىنا بەلسەنە قاتىساتىن اۋداندا اۋىل شارۋاشىلىعىمەن قاتار ونەركاسىپ، اسىرەسە وڭدەۋشى سالا قارقىندى دامۋدا. وڭىردە بارلىق كورسەتكىشتەر بويىنشا جاقسى جەتىستىكتەر بار.

اۋدان اكىمدىگىنىڭ مالىمەتىنشە، اۋداننىڭ اۋىل شارۋاشىلىعى تاۋارلارىن وندىرۋشىلەر جىل باسىنان بەرى 31302,4 ميلليارد تەڭگەنىڭ ءونىمىن ءوندىردى.

ونىڭ ىشىندە ەگىنشىلىك سالاسىنىڭ ۇلەسىنە 5609,7 ميلليارد تەڭگەنىڭ ءونىمى كەلسە، مال شارۋاشىلىعى سالاسىنىڭ ۇلەسى 24788,7 ميلليارد تەڭگەنى قۇرادى.

ناقتى كولەم يندەكسى 86,9 پايىز بولدى.

- اۋدان ديقاندارى اسا ماڭىزدى ەگىن جيناۋ ناۋقانىن ويداعىداي اياقتادى. بيىلعى اۋا رايىنىڭ قولايسىزدىعى ەگىن شىعىمىنا ءبىرشاما كەرى اسەرىن تيگىزدى. دەگەنمەن اۋدان شارۋاشىلىقتارى ەگىندى ىسىراپسىز جيناپ، قامباعا قۇيىپ الدى. ەندىگى مىندەت - الداعى ەگىسكە قاجەتتى تۇقىم قورىن دايىنداۋ جانە سۇدىگەر جىرتۋ، قىسقى قار توقتاتۋ ناۋقاندارىن ۋاقىتىندا ساپالى جۇرگىزۋ، - دەدى اۋدان اكىمدىگىنەن.

اۋداندا ەگىنشىلىكپەن بىرگە مال شارۋاشىلىعى سالاسى دا قارقىندى دامىپ كەلەدى. وتكەن جىلدارمەن سالىستىرعاندا مال باسى جىل ساناپ وسە تۇسۋدە.

قازىرگى كۇنى اۋداندا 36587 باس ءىرى قارا، 35146 باس قوي، 4487 ەشكى، 19889 جىلقى بار. ءىرى قارا مەن قوي، جىلقى سانى وتكەن جىلمەن سالىستىرعاندا ءبىرشاما ءوستى. وعان قوسا، 1240568 ءۇي قۇسى جانە 1120 شوشقا بار.

ءۇي قۇستارىنىڭ سانى دا ءبىرشاما ءوستى. وتكەن جىلمەن سالىستىرعاندا 13,9 پايىزعا كوبەيگەن ءۇي قۇستارىنىڭ سانى قازىر 1 ميلليون 240 مىڭ بولىپ وتىر.

جىل باسىنان بەرى 15091,1 مىڭ توننادان استام مال مەن قۇس ەتى ءوندىرىلدى. سونداي-اق، 34795,2 توننا ءسۇت ءوندىرىلدى.

بۇل وتكەن جىلعى سايكەس كەزەڭمەن سالىستىرعاندا 9 پايىزعا ارتىق. سونىمەن بىرگە، 13 ميلليون 197 مىڭ دانا جۇمىرتقا ءوندىرىلدى.

استانانىڭ ازىق-تۇلىك بەلدەۋىن دامىتۋدا ارشالى اۋدانىنىڭ ۇلەسى زور. اۋدان ەكونوميكاسىندا اگرارلىق سالانىڭ الاتىن ۇلەسى زور.

اۋدان اكىمدىگىنىڭ مالىمەتىنشە، بيىل اۋدان شارۋاشىلىقتارى 25 ميلليارد تەڭگەنىڭ اۋىل شارۋاشىلىعى ونىمدەرىن شىعاردى. بيىلعى ەگىن جيناۋ ناۋقانىن اۋدان ديقاندارى ويداعىداي اياقتادى.

گەكتار ءتۇسىمى 5,3 سەنتنەردەن اينالدى. بارلىعى 195 مىڭ توننا استىق جينالىپ، قويماعا قۇيىلدى. بيىلعى اۋا رايىنىڭ قولايسىزدىعى ەگىن شىعىمىنا كەرى اسەر ەتكەنىمەن ەگىن وراعى ۋاقىتىندا ساپالى اياقتالدى.

سونىمەن بىرگە، اۋداندا مال شارۋاشىلىعى جاقسى دامىپ كەلەدى. بيىلعى العاشقى توعىز ايدىڭ قورىتىندىسى بويىنشا ءسۇت جانە ەت ونىمدەرىنىڭ كولەمى وتكەن جىلعى سايكەس كەزەڭمەن سالىستىرعاندا ءبىرشاما ءوستى. سونداي-اق، جىلقى مەن قوي، ەشكى باسى كوبەيدى.

ءبىراق تا، «يجيەۆسكي» وندىرىستىك كووپەراتيۆىنىڭ قۇس باسىنىڭ ازايۋىنا بايلانىستى قۇس ەتى مەن جۇمىرتقا ءوندىرۋ كولەمى ءبىرشاما قىسقاردى. اتاپ ايتقاندا، جۇمىرتقا ءوندىرۋ 3,2 ميلليون داناعا نەمەسە 1,6 پايىزعا كەمىدى.

- سوڭعى ءۇش جىلدىڭ ىشىندە ەت باعىتىنداعى 8 ءىرى قارا فەرماسى قۇرىلدى. وندا 873 باس ءىرى قارا بار. بيىل 55 باس ءىرى قارا بار ءبىر تاۋارلى-ءسۇت فەرماسى اشىلدى. بۇدان بولەك، «Temir Agro» سەرىكتەستىگىنىڭ 600 باسقا ارنالعان تاۋارلى-ءسۇت فەرماسىنىڭ قۇرىلىسىن سالۋ جوباسى اياقتالۋعا جاقىن. جالتىركول سەلوسىندا «اق دالا اگرو» سەرىكتەستىگىنىڭ قۇس فابريكاسىن سالۋ جوباسىنىڭ ءۇشىنشى كەزەڭى ءجۇرىپ جاتىر. بۇل كاسىپورىن جىلىنا 6 مىڭ توننا قۇس ەتىن وندىرەدى. اتالمىش جوبانى ىسكە قوسۋ قوسىمشا 120 جۇمىس ورنىن اشۋعا جاعداي جاساماق، - دەدى ارشالى اۋدان اكىمدىگىنەن.

ال قورعالجىن اۋدانى اكىمدىگىنىڭ مالىمەتىنشە، بيىلعى جىلى قورعالجىندىق ديقاندار 177,4 مىڭ گەكتار القاپقا ءداندى جانە بۇرشاق داقىلدارىن سەپتى.

- وتكەن جىلمەن سالىستىرعاندا ەگىن القابىنىڭ كولەمى 109,7 پايىز بولدى. ياعني، ەگىس كولەمى 8,7 مىڭ گەكتارعا ۇلعايدى. 166,9 مىڭ گەكتار القاپقا ءداندى داقىلدار سەبىلىپ، 46,7 مىڭ توننا استىق جينالدى، گەكتار ءتۇسىمى 3,1 سەنتنەردەن اينالدى. بيىلعى اۋا رايىنىڭ قۇرعاقشىلىعى ەگىن شارۋاشىلىعىنا ايتارلىقتاي كەرى اسەرىن تيگىزگەنىن ايتا كەتكەن ءجون. دەسە دە، ديقاندارىمىز مۇمكىندىكتى بوسقا جىبەرمەي، ەگىندى ىسىراپسىز جيناپ الدى، - دەدى اۋدان اكىمدىگىنەن.

سونىمەن بىرگە، 17,2 گەكتار القاپقا كارتوپ ەگىلىپ، 73,2 توننا كارتوپ جانە 22,8 توننا كوكونىس جينالدى. 3 مىڭ گەكتار جەرگە مايلى داقىلدار سەبىلدى.

قازىرگى كۇنى 203 توننا زىعىر جينالدى. مال ازىعىن دايىنداۋ جۇمىستارى دا ءاردايىم نازاردا. بەلگىلەنگەن جوسپارعا ساي 64,6 مىڭ توننا ءشوپ دايىندالدى.

ماشينا-تراكتور پاركىن جاڭعىرتۋ ماسەلەسى دە ءاردايىم نازاردا تۇرادى. بيىل 1 شەتەلدىك تۇقىم سەبۋ كەشەنى مەن استىق جينايتىن كومباين جانە 6 تراكتور ساتىپ الىندى.

جالپى سوماسى 502,617 ميلليون تەڭگەگە 51 اۋىل شارۋاشىلىعى تەحنيكاسى ساتىپ الىندى.

اۋدان بويىنشا قازىرگى كۇنگى مالىمەتكە ساي 21565 باس ءىرى قارا مال بار. بۇل بىلتىرعى جىلدىڭ سايكەس مەرزىمىمەن سالىستىرعاندا - 98,1 پايىز.

ونىڭ ىشىندە 10701 باس سيىر نەمەسە 101,8 پايىز، 41150 باس قوي جانە ەشكى نەمەسە 102,4 پايىز جانە 17767 باس جىلقى بار. وعان قوسا، 24122 ءۇي قۇستارى بار.

2023-جىلى اۋدان بويىنشا 3 ەت فەرماسى كەڭەيتىلدى. «رامازان» شارۋا قوجالىعى - 65 باس، «جۇماي» شارۋا قوجالىعى - 57 باس، «كوشماعانبەت» شارۋا قوجالىعى - 50 باس، بارلىعى ساتىپ الىنعان ءىرى قارا مال سانى — 172 باس.

بيىلعى جىلدىڭ ماۋسىم ايىندا پايدالانىلماي جاتقان اۋىل شارۋاشىلىعى جەرلەرىنە تەكسەرۋ جۇرگىزىلدى.

«نۇر-سۋات» ج ش س- ءىنىڭ 3117 گەكتار، «ارت الماس» سەرىكتەستىگىنىڭ 3185 گەكتار، «ا ق- قۇلىن» سەرىكتەستىگىنىڭ 3559 گەكتار، «وسپان» شارۋا قوجالىعىنىڭ 143 گەكتار، «سەنتر زەرنا» سەرىكتەستىگىنىڭ 65 گەكتار جەرى بەلگىلەنگەن ماقساتتا پايدالانىلماعانى انىقتالىپ، ارنايى ۇيعارىم شىعارىلدى جانە قۇزىرلى ورگاندارعا جولداندى.

بۇل باعىتتاعى جۇمىستار ودان ءارى جالعاسادى.

- قازىرگى كۇنى اۋىل ماڭىندا 58506 گەكتار جايىلىم جەرى بار. اۋىل تۇرعىندارى ءۇشىن جايىلىم جەر قازىر كۇردەلى ماسەلە بولىپ وتىر. بۇگىنگى كۇنى 57886 گەكتار جايىلىم جەتىسپەيدى. بيىلعى جىلى پايدالانىلماي جاتقان 14129 گەكتار جەر جايىلىم اۋماعىنا قوسىلدى. الداعى ۋاقىتتا وسى باعىتتاعى جۇمىس جالعاسا بەرمەكشى، - دەپ تۇيىندەدى اۋدان اكىمدىگىنەن.

ايتا كەتسەك، بۇدان بۇرىن اقمولا وبلىسىندا ەگىن وراعى اياقتالعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى