استانانىڭ قاي اۋداندارىندا ينتەرنەت ساپاسى ناشار
سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ تەلەكوممۋنيكاتسيالار كوميتەتى بايلانىس سالاسىنداعى باقىلاۋ باسقارماسىنىڭ باسشىسى دياس تولەگەنوۆ ەلوردا اۋماعىنداعى ينتەرنەتى ناشار .اۋداندار جايىندا ايتتى، دەپ حابارلايدى Kazinform
«بيىلدىڭ باسىندا استانا اۋماعىندا ارنايى ولشەم جاسادىق. بايلانىس ساپاسىنىڭ ناشارلىعى بايقالعان 67 ورىن انىقتالدى. ياعني بۇل جەرلەردە بايلانىس بولماعان نەمەسە تالاپقا ساي ەمەس. وسى 67 جەردە جىل بويىنا ءتيىستى جۇمىس اتقارىلىپ، 60 ى بويىنشا ماسەلە شەشىلدى»، - دەدى د. تولەگەنوۆ ەلوردادا وتكەن باسپا ءسوز ءماسليحاتىندا.
ونىڭ سوزىنە قاراعاندا، كەي اۋدانداردا انتەننا باعاندارىن ورناتۋعا تۇرعىنداردىڭ راديوفوبياسى كەدەرگى بولىپ تۇر.
«26 جەردە بازالىق ستانتسيا ورناتىلدى، قالعاندارى بويىنشا تۇرعىنداردىڭ كەلىسىمى قاجەت. حالىقتىڭ راديوفوبياسىنا بايلانىستى التى جەردە قوسىمشا جۇمىس اتقارىلىپ جاتىر»، - دەپ ءتۇسىندىردى ۆەدومستۆو وكىلى.
وسى ورايدا انتەننا باعاندارىن ورناتۋ جوسپارلانعان استانا اۋداندارىنىڭ ءتىزىمىن جاريالاۋدى ءجون كوردىك:
