استانالىقتار جىلۋ تاريفىن ۇستەمە باعامەن تولەپ كەلگەن

- تابيعي مونوپوليالاردى رەتتەۋ سالاسىنداعى ۋاكىلەتتى ورگان ەلوردالىق ەكونوميكالىق سوتقا جىلۋ ەنەرگياسى بويىنشا ءتاريفتى تومەندەتۋگە ماجبۇرلەۋ تۋرالى تالاپ قويۋمەن جۇگىندى. سوت جاۋاپكەردىڭ جىلۋ ەنەرگياسىن جەتكىزۋ جونىندەگى تابيعي مونوپوليالاردىڭ سۋبەكتىسى بولىپ تابىلاتىنىن انىقتادى. اۋديتورلىق تەكسەرۋ ارقىلى كورسەتىلەتىن قىزمەتتەر كولەمىن ۇلعايتۋ ەسەبىنەن تاريف بويىنشا زاڭ بۇزۋشىلىقتار انىقتالدى. تاريفتەردى قالىپتاستىرۋ قاعيدالارىندا قىزمەتتەر كولەمى ۇلعايعان جاعدايدا، رەتتەلىپ كورسەتىلەتىن قىزمەتتەرگە ءتاريفتى تومەندەتۋ كوزدەلگەن. الايدا، اق تاريفتەردى تومەندەتپەگەن، بۇل ارتىق پايدا الۋعا جانە تۇتىنۋشىلاردىڭ جوعارى تاريف بويىنشا ارتىق تولەۋىنە اكەپ سوقتى، - دەلىنگەن سوت حابارلاماسىندا.

ءمالىم بولعانداي، الىنعان پايدا رەتتەلەتىن قىزمەتتى دامىتۋعا جانە ءتيىمدى جۇمىس ىستەۋگە باعىتتالۋى كەرەك، بۇل بەكىتىلگەن تاريفتىك سمەتاعا سايكەس كەلەدى.

- جاۋاپكەر قىزمەتتەر كولەمىن ۇلعايتۋ ناتيجەسىندە الىنعان تابىستى زاڭنامادا كوزدەلگەن ماقساتتارعا باعىتتالماعان جانە ءتاريفتى تومەندەتۋدى جۇرگىزبەگەن. سوندىقتان سوت مونوپوليستكە قاتىستى تالاپ قويۋدى قاناعاتتاندىردى، جاۋاپكەرگە ءتاريفتى تومەندەتۋ مىندەتتەمەسى جۇكتەلدى، ال ونىڭ پايداسى جىلۋ جەلىلەرىن دامىتۋعا باعىتتالۋى كەرەك، - دەپ حابارلادى استانا سوتىنان.

شەشىم زاڭدى كۇشىنە ەندى.

ەسكە سالا كەتەيىك، بۇعان دەيىن الماتىدا جىلۋ مەن ىستىق سۋ باعاسى نەلىكتەن وسكەنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى