استانالىق تۇرعىن لاڭكەستىك سيپاتتاعى قىلمىسى ءۇشىن 26 جىلعا سوتتالدى
استانا. قازاقپارات - 2024-جىلدىڭ ماۋسىمىندا ۇلتتىق قاۋىپسىزدىك كوميتەتىنىڭ ماتەريالدارى بويىنشا 3 قازاقستاندىق ازامات تەرروريستىك سيپاتتاعى قىلمىستارى ءۇشىن سوتتالدى.
3-جانە 7-ماۋسىمدا شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىمەن تەرروريزمدى ناسيحاتتاۋ فاكتىسى بويىنشا ەكى جەرگىلىكتى تۇرعىننىڭ ءاربىرى 7 جىلعا باس بوستاندىعىنان ايىرىلدى.
ولاردىڭ مەسسەندجەرلەر مەن الەۋمەتتىك جەلىلەر ارقىلى راديكالدى ءدىني ماتەريالداردى تاراتقانى انىقتالدى.
11-ماۋسىمدا استانا قالاسىنىڭ قىلمىستىق ىستەر جونىندەگى اۋدانارالىق سوتىمەن وسىعان ۇقساس قىلمىسى ءۇشىن تۇزەتۋ مەكەمەسىندەگى ەلوردا تۇرعىنى 6 جىلعا قوسىمشا باس بوستاندىعىنان ايىرىلدى.
ايتا كەتۋ كەرەك، ا. ج. اقپانىندا ول بيلىكتى باسىپ الۋعا، تەرروريستىك توپتى قۇرۋعا جانە باسقارۋعا، تەرروريستىك ارەكەتتى ۇيىمداستىرۋ ماقساتىندا جالداۋعا، تەرروريزمدى ناسيحاتتاۋعا جانە قارجىلاندىرۋعا كوپشىلىك الدىندا شاقىرعانى ءۇشىن 20 جىلعا سوتتالعان بولاتىن.
تەرگەۋ يزولياتورىندا بولعان كەزدە، ول زاڭسىز ارەكەتتەردى توقتاتپادى جانە كامەرالاستارىنا تەرروريزم يدەولوگياسىن تاراتۋعا ارەكەت جاساعان.
