استانالىق كەلىنشەك ەگىز بالالارىنان كەيىن ۇشەم تاپتى

«بالالاردىڭ اتىن ءالى قويمادىق. ازىرگە امىرە، ءاليحان، ءامىرحان دەپ ويلاپ وتىرمىز. بەس كۇن دارىگەرلەر قاراۋىندا بولدىق، ءبارى جاقسى. ەرتەڭ پەرزەنتحانادان شىعامىز»، - دەدى اجار KAZINFORM تىلشىسىنە بەرگەن سۇحباتىندا.

اجار قابيتوۆا - سەمەي قالاسىنىڭ تۋماسى. استانا قالاسىندا قازاق مەملەكەتتىك زاڭ ۋنيۆەرسيتەتىندە ءبىلىم العان، ماماندىعى - زاڭگەر. 2020 -جىلى تۇڭعىش قىزىن، 2022 -جىلى - ەگىز ۇل مەن قىزىن بوسانعان.

ال 18-قاڭتار كۇنى جۇكتىلىكتىڭ 34-اپتاسىندا كەسىر تىلىگى ارقىلى ۇشەمدەر تۋعان. ءۇش ۇلدىڭ سالماعى - 2300، 2550، 3000 گرام.

«پەريناتالدىق ورتالىقتىڭ ماماندارى مەن دارىگەرلەرىنە العىس ايتامىن. ءومىرىمنىڭ وسى ماڭىزدى ساتىندە سىزدەردىڭ قامقورلىقتارىڭىز، جىلۋلىقتارىڭىز جانە كاسىبيلىگىڭىز سەنىمدىلىك پەن قاۋىپسىزدىك اتموسفەراسىن قۇردى. جاڭا ءومىردىڭ باستالۋىنا قوسقان ۇلەستەرىڭىز ءۇشىن راحمەت!»، - دەپ جازدى اجار الەۋمەتتىك جەلىدەگى پاراقشاسىندا.

سونداي-اق جاس انا كومەكشى مەن بالا كۇتۋشى المايتىنىن، بارلىق بالاعا ءوزى قارايتىنىن جازعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى