استانالىق جانكۇيەرلەردىڭ ءبيى جەننيفەر لوپەستىڭ نازارىنا ىلىكتى

بيىل جازدا ەلوردادا كونسەرت بەرەتىن ءانشى «بايتەرەك» مونۋمەنتى فونىندا تۇسىرىلگەن روليكتى ءوز پاراقشاسىندا جاريالادى.

ۆيدەودا استانانىڭ ءبىر توپ جاسى دجەي لونىڭ حيت اندەرىنىڭ بىرىنە بيلەپ جاتقانىن كورۋگە بولادى. بيشىلەر بەينەجازباعا «دجەي لو، استانا سەنى كۇتەدى!» - دەپ جازسا كەرەك. بۇل اسەرلى جازبانى جۇلدىزدىڭ ءوزى كورگەنى ءسوزسىز.

55 جاسار ءانشى رەپوستتى #JLoLiveIn2025 حەشتەگىمەن سۇيەمەلدەپ، قازنەتتە شىنايى ەموتسيالار تۋدىردى. قولدانۋشىلار بىردەن Stories سكرينشوتتارىمەن ءبولىسىپ، جەننيفەر لوپەستىڭ قازاقستانداعى جانكۇيەرلەرىنە كوڭىل بولگەنىنە قۋانعاندارىن جاسىرا المادى.

«ادام سەنگىسىز. دجەي لو بىزدىڭ بايتەرەكتى دە، قىزدارىمىزدى دا كوردى!» - دەپ جازادى قازاق جانكۇيەرلەرى.

ەسكە سالا كەتەيىك، الەمدىك جۇلدىز Up All Night تۋرنەسى باستالعانىن جاريالاپ، قازاقستاندا كونسەرت بەرەتىنىن جازعان بولاتىنبىز.

ارتىنشا «استانا كونسەرت» كومپانياسىنىڭ پروديۋسەرى مالىك حاسەنوۆ امەريكالىق اكتريسا جانە ءانشى جەننيفەر لوپەستىڭ استانادا وتەتىن كونتسەرتىنەن قانشا ەكونوميكالىق پايدا تۇسەتىنىن ايتقان ەدى.

امەريكالىق اكتريسا جانە ءانشى جەننيفەر لوپەستىڭ استانادا وتەتىن كونسەرتىنەن بيلەتتەر ساتىلىمعا شىعاتىنى حابارلاندى.

دجەننيفەر لوپەس كونسەرتىنە بيلەت ەمەس، ۆاۋچەرلەر عانا ساتىلادى. ناعىز بيلەت كونسەرت كۇنى جاقىنداعاندا ەلەكتروندى پوشتاعا كەلىپ تۇسەتىنى ايتىلدى.

ءانشىنىڭ كونسەرتىنە قايتالانىپ ساتىلعان بيلەتتەردىڭ قۇنى وتەلەتىنى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى