استانالىق الپينيستەردىڭ ولىمىنە قاتىستى تۇسىنىك بەرىلدى
ەڭبەك جانە حالىقتى الەۋمەتتىك قورعاۋ مينيسترلىگى استانادا جۇمىس بارىسىندا مەرت بولعان الپينيستەردىڭ ولىمىنە قاتىستى رەسمي تۇسىنىك بەردى، دەپ حابارلايدى Kazinform.
«مەن باسقاراتىن كوميتەت مەملەكەتتىك ەڭبەك ينسپەكتسياسىن قاداعالايدى. ونىڭ ىشىندە ونەركاسىپ ەڭبەك ينسپەكسياسى دا بار. 12-قازاندا استانادا توتەنشە جاعداي بولدى. ءىس تەرگەلدى. ناتيجەسىندە ونەركاسىپتىك الپينيزمدى رەتتەيتىن نورما جوق»، - دەدى ق ر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە حالىقتى الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا وتكەن جىلى ەڭبەك جانە حالىقتى الەۋمەتتىك قورعاۋ مينيسترلىگى جوعارىدا جۇمىس ىستەۋدىڭ ەرەجەسىن بەكىتكەن.
«دەگەنمەن جوعارىدا جۇمىس ىستەۋ مەن ونەركاسىپتىك الپينيزم ەكەۋى ەكى دۇنيە. ونەركاسىپتىك الپينيزم جۇمىس ىستەۋ ءادىسى ونەركاسىپتىك ەڭبەك ينسپەكتسياسىنا قارايدى»، - دەپ ءتۇسىندىردى ول.
ەسكە سالايىق، بيىل 12-قازان كۇنى استانالىق تۇرعىن ءۇي كەشەنىنىڭ قۇرىلىسىندا 4 الپينيست بيىكتەن قۇلاپ، قايتىس بولدى.
14-قاراشادا استانادا ونەركاسىپتىك الپينيستەردىڭ مەرت بولۋىنا قاتىستى ج ك باسشىسى قاماۋعا الىنعان ەدى.
