استاناداعى كونتەينەر جارىلىسىنا بايلانىستى قىلمىستىق ءىس قوزعالدى
استانا. KAZINFORM - «استانا» ستانسياسىنىڭ سۇرىپتاۋ پاركىنىڭ 12- جولىندا پويىزبەن جەتكىزىلگەن كونتەينەردە جارىلىس بولدى.
سالدارىنان ءبىر ادام جەڭىل قول جاراقاتىن العان. كوز جۇمعاندار جوق. جولاۋشىلار مەن جاقىن ماڭداعى تۇرعىندارعا دا قاۋىپ ءتونىپ تۇرعان جوق.
اتالعان فاكتى بويىنشا كولىكتەگى پوليتسيا دەپارتامەنتى «تەمىرجول كولىگىن پايدالانۋ نەمەسە قوزعالىس قاۋىپسىزدىگى ەرەجەلەرىن بۇزۋ» بابى بويىنشا قىلمىستىق ءىس قوزعادى.
- وقيعا ورنىنا دەپارتامەنت باسشىلىعى دەرەۋ جەتتى. بارلىق ءمان-جايدى انىقتاۋ ءۇشىن ارنايى جەدەل توپ قۇرىلدى. قازىرگى ۋاقىتتا تەرگەۋ جۇرگىزىلىپ جاتىر. وقيعانىڭ سەبەپتەرى مەن بارلىق ءمان-جايى انىقتالۋدا، - دەدى ق ر ءى ءى م كولىكتەگى پوليتسيا دەپارتامەنتى باستىعىنىڭ ورىنباسارى مالىك قايبار.
بۇعان دەيىن توتەنشە وقيعاعا قاتىستى «قازاقستان تەمىرجولى» ۇلتتىق كومپانياسى باسپا ءسوز قىزمەتى رەسمي حابارلاما تاراتتى.
اۆتور
قايرات زاينيشەۆ
