استاناداعى ەكسپو كەشەنى قۇرىلىسىنان زاڭبۇزۋشىلىق انىقتالدى

«قۇرىلىس كوميتەتى EXPO قۇرىلىسىنىڭ ساپاسىن تەكسەردى مە؟» دەپ سۇراق قويدى تىلشىلەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

«مەنىڭ بىلۋىمشە، تەكسەرۋدى باس پروكۋراتۋرا جۇرگىزدى. ول ءالى اياقتالعان جوق، سوندىقتان مەن ەش تۇسىنىكتەمە بەرە المايمىن، ءبىراق زاڭ بۇزۋشىلىق انىقتالدى. تەكسەرۋ ناتيجەلەرى ءالى جاريالانعان جوق، سوندىقتان تەكسەرۋ ءالى ءجۇرىپ جاتىر دەپ ويلايمىن»، - دەپ جاۋاپ بەردى باقىتجان جۇنىسبەكوۆ.

ايتا كەتەيىك، EXPO ىسكەرلىك ورتالىعى اۋماعىندا 16 عيمارات بار. ولاردىڭ جالپى اۋدانى 530 مىڭ شارشى مەتردەن اسادى.

كەشەن اۋماعىنداعى نەگىزگى نىساندار اراسىندا «استانا» حالىقارالىق قارجى ورتالىعى، Astana Hub جانە Astana it University حالىقارالىق تەحنوپاركى جانە باسقالارى بار.

ايتا كەتەيىك، 2024-جىلى 1- قاڭتاردا زاڭسىز قۇرىلىستى بولدىرماۋعا باعىتتالعان ءبىرىڭعاي قالا قۇرىلىسى ساراپتاماسى قولدانىسقا ەنەدى. ياعني، بارلىق جوبا كەشەندى قالا قۇرىلىسىنىڭ مەملەكەتتىك ساراپتاماسىنان وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى