استاناداعى جارمەڭكە: ءتورت وبلىستان قانداي ونىمدەر اكەلىنەدى؟
استانا. قازاقپارات - ءتورت ءوڭىردىڭ اگرارشىلارى استاناعا 900 توننادان استام اۋىل شارۋاشىلىعى ءونىمىن اكەلەدى. 12-13-قازان، وسى دەمالىس كۇندەرى استانادا الماتى، جەتىسۋ، باتىس قازاقستان جانە پاۆلودار وبلىستارىنىڭ تاۋار وندىرۋشىلەرىنىڭ قاتىسۋىمەن اۋىل شارۋاشىلىعى جارمەڭكەسى وتەدى، - دەپ حابارلايدى ەلوردا اكىمدىگى.
ءتورت ءوڭىردىڭ اگرارشىلارى استاناعا 900 توننادان استام اۋىل شارۋاشىلىعى ءونىمىن اكەلەدى. ساتىلاتىن تاۋارلار تىزىمىندە ەت، كوكونىستەر مەن جەمىستەر، ءسۇت ونىمدەرى، وسىمدىك مايى، بال، بالىق، شۇجىق ونىمدەرى، قانت، سونداي-اق ءتۇرلى كونديتەرلىك ونىمدەر بار.
ءونىمنىڭ شامامەن 550 توننا ۇلەسىن پاۆلودار وبلىسىنىڭ تاۋار وندىرۋشىلەرى ۇسىنادى. ولاردىڭ كوپشىلىگى - ايماققا تانىمال كارتوپ، كوكونىستەر مەن باقشا داقىلدارى.
جەتىسۋ وبلىسىنىڭ اگرارشىلارى 120 توننادان استام ءونىم اكەلەدى: جاڭا پىسكەن جەمىس-جيدەكتەر، ەت، كارتوپ، كوكونىستەر مەن قانت.
الماتى وبلىسى ەلوردادا 200 تونناعا جۋىق ءونىم ساتادى، ونىڭ تورتتەن ءبىر بولىگى عانا كوكونىستەر مەن جەمىستەردى، سونىڭ ىشىندە المانىڭ ايگىلى «اپورت» سورتى.
باتىس قازاقستان وبلىسى كوپتەگەن ەت ونىمىمەن، ءوز ءوندىرىسىنىڭ ۇنىمەن جانە ماكارون ونىمدەرىمەن قۋانتادى.
ەلوردا تۇرعىندارى مەن قوناقتارى فەرمەرلەردەن تىكەلەي ءونىم ساتىپ الىپ قانا قويماي، سونىمەن قاتار اتالعان وبلىستاردىڭ ارتىستەرىنىڭ قاتىسۋىمەن كونتسەرتتىك باعدارلامانى تاماشالاي الادى. جارمەڭكە ساعات 9.00-دەن 18.00-گە دەيىن اشىق بولادى.
ايتا كەتەيىك، بيىل جارمەڭكە قارقارالى تاسجولىنداعى «قازانات» يپپودرومىنا قاراما- قارسى ورىندا وتەدى. ەلوردا تۇرعىندارى مەن قوناقتارىنا ىڭعايلى بولۋى ءۇشىن جارمەڭكەلەردى وتكىزۋ كەزەڭىندە №18، 37، 303 جانە 323 اۆتوبۋس مارشرۋتتارى قامتاماسىز ەتىلەدى.
جارمەڭكەلەر ءار دەمالىس كۇندەرى 27-قازانعا دەيىن وتەدى.
