استانادا زاڭسىز ماينينگ: 900 ميلليون تەڭگەدەن استام مۇلىك تاركىلەندى
استانا. KAZINFORM - زاڭسىز جولمەن الىنعان سيفرلىق اكتيۆتەر 143 ميلليون تەڭگەدەن اسادى. بۇل تۋرالى قارجىلىق مونيتورينگ اگەنتتىگىنىڭ باسپا ءسوز قىزمەتى حابارلادى.
استانادا 2022 -جىلدان 2024 -جىلدىڭ مامىرىنا دەيىن ماينينگ فەرماسىن قوزعالتقىشتاردى وڭدەۋ ورتالىعى رەتىندە جاسىرىپ، ءبىر مەگاپوليستىڭ تۇرعىن اۋدانىمەن سالىستىرعاندا ايلىق ەلەكتر ەنەرگياسىن تۇتىنعان ءۇش ازاماتقا قاتىستى ايىپتاۋ ۇكىمى شىعارىلدى.
زاڭسىز جولمەن الىنعان سيفرلىق اكتيۆتەر 143 ميلليون تەڭگەدەن اسادى.
- ءتىنتۋ بارىسىندا 1257 اسيكماينەر (سيفرلىق اكتيۆتەردى وندىرۋگە ارنالعان جابدىق)، ونەركاسىپتىك سالقىنداتقىش جەلدەتكىشتەر مەن ترانسفورماتورلىق ستانتسيا الىندى، - دەلىنگەن ق م ا حابارلاماسىندا.
سوت ولاردى ق ك 214-بابىنىڭ 2-تارماعى بويىنشا كىنالى دەپ تانىپ، ايىپپۇل سالۋ جازاسىن تاعايىندادى.
سوت شەشىمىمەن مەملەكەت پايداسىنا 900 ميلليون تەڭگەدەن استام مۇلىك: 2 كولىك («Toyota Camry» ،«Nissan Juke») جانە ماينينگ جابدىقتارى تاركىلەندى.
- سوت قىلمىستىق تابىس مولشەرى رەتىندە 143,2 ميلليون تەڭگەنى مەملەكەتكە قايتارۋدى مىندەتتەدى، - دەلىنگەن حابارلامادا.
ۇكىم زاڭدى كۇشىنە ەندى.
ايتا كەتەلىك قازاقستاندا ماينينگپەن اينالىساتىندار قالاي جۇمىس ىستەيتىنى تۋرالى جازعان ەدىك.
