استانادا پوليتسياعا كۇش كورسەتكەن ەر ادام 2 جىلعا سوتتالۋى مۇمكىن
استانادا پوليتسەيلەرگە باعىنباعان ماس بۇزاقى 2 جىلعا سوتتالۋى مۇمكىن، دەپ حابارلادى Polisia.kz.
ەلورداداعى جەدەل باسقارۋ ورتالىعىنا تۇندە بوگەنباي باتىر داڭعىلى مەن جەلتوقسان كوشەسىنىڭ قيىلىسىندا 2 ەر ادامنىڭ توبەلەسىپ جاتقانى تۋرالى اقپارات تۇسكەن.
وقيعا ورنىنا پاترۋلدىك پوليتسيا شۇعىل جەتىپ، ماس ەر ادامداردى ۇستاعان. تەرگەۋ بارىسىندا كۇدىكتىلەردىڭ ءبىرى پوليتسەيلەرگە كۇش كورسەتىپ، ادەپسىز سوزدەر ايتقان. ءتىپتى، ولار ەسكەرتۋلەرگە قاراماستان پوليتسيانىڭ زاڭدى تالابىن ورىنداۋدان باس تارتقان.
بۇزاقىنىڭ ءبىرى بيلىك وكىلدەرىنە كۇش كورسەتكەن. ول پوليتسەيدىڭ جيلەتكاسىن جۇلىپ الىپ، كوزىلدىرىگىن سىندىرعان. ءتارتىپ ساقشىلارى وعان قارسى كۇش قولدانۋعا ءماجبۇر بولعان، - دەپ جازىلعان حابارلامادا.
بۇگىندە كۇدىكتى ۋاقىتشا ۇستاۋ يزولياتورىنا قامالدى.
پوليتسيانىڭ تالابىن ورىنداماي، وعان كۇش كورسەتكەن 36 جاستاعى تۇرعىننىڭ ۇستىنەن قىلمىستىق كودەكستىڭ 380-بابى («بيلىك وكىلىن قورقىتۋ نەمەسە كۇش كورسەتۋ») بويىنشا سوتقا دەيىنگى تەرگەۋ باستالدى.
ەگەر كۇدىكتىنىڭ كىناسى سوتتا دالەلدەنسە، وعان 6 ميلليون 9 مىڭ تەڭگە ايىپپۇل (2 مىڭ ا ە ك، 1 ا ە ك - 3450 تەڭگە) سالىنادى نەمەسە قوعامدىق جۇمىستارعا تارتۋ، نە باس بوستاندىعىن شەكتەۋ نەمەسە 2 جىلعا دەيىن باس بوستاندىعىنان ايىرۋ جازاسى قولدانىلۋى مۇمكىن.
