استانادا وڭ جانە سول جاعالاۋ اراسىندا قاتىنايتىن جاڭا اۆتوبۋس باعىتى ىسكە قوسىلدى
استاناعا جاڭا اۆتوبۋستار كەلۋىنە بايلانىستى 4-قاراشادان باستاپ «ۇركەر» تۇرعىن الابى مەن «نۇرلى جول» تەمىرجول ۆوكزالى اراسىندا قاتىنايتىن جاڭا №66 باعىت ىسكە قوسىلدى، دەپ حابارلايدى Kazinform.
City Transportation Systems كومپانياسىنىڭ مالىمەتىنشە، باعىت تاۋەلسىزدىك داڭعىلىنداعى جاڭا كوپىر ارقىلى جۇرەدى.
وسىلايشا ەلوردانىڭ وڭ جاعالاۋى مەن سول جاعالاۋى اراسىنداعى كولىك قاتىناسىن جاقسارتادى.
سونداي- اق، «ۇركەر» تا مەن «نۇرلى جول» تەمىرجول ۆوكزالى اراسىنداعى كولىكتىك بايلانىستى قامتاماسىز ەتۋگە مۇمكىندىك بەرەدى.
ناجىمەدەنوۆ، كەرەي، جانىبەك حاندار، مۇحامەدحانوۆ كوشەلەرىندە ورنالاسقان تۇرعىن ءۇي كەشەندەرىنە تاسىمال قىزمەتىن كورسەتىپ، سونداي- اق «ۇركەر» تۇرعىن الابى ءىشىن قوعامدىق كولىكپەن قامتيدى.
ايتا كەتۋ كەرەك، № 66 باعدار قولدانىستاعى № 14، 35، 36، 45، 50، 56 باعدارلارىنىڭ جۇكتەمەسىن ازايتادى.
باعداردىڭ قوزعالىس سىزباسىمەن مىنا سىلتەمەدە تانىسا الاسىزدار.
