استانادا «تورلەت، ەڭبەك ادامى» اتتى اقىندار ايتىسىنىڭ جەڭىمپازدارى انىقتالدى
استانا. KAZINFORM - استانادا مادەنيەت جانە اقپارات مينيسترلىگىنىڭ ۇيىمداستىرۋىمەن جانە «AMANAT» پارتياسىنىڭ قولداۋىمەن وتكەن «تورلەت، ەڭبەك ادامى!» اتتى رەسپۋبليكالىق اقىندار ايتىسى مارەسىنە جەتتى.
ەكى كۇنگە جوسپارلانعان بيىلعى جىر دوداسىندا جىل كولەمىندە ەلىمىزدە وتكەن رەسپۋبليكالىق جانە حالىقارالىق ايتىستاردا ۇزدىك ونەر كورسەتىپ، جۇلدەلى ورىن ەنشىلەگەن 14 اقىن توپقا ءتۇستى.
ايتىس قورىتىندىسىمەن قىزىلوردالىق مەيىربەك سۇلتانحان گران-پريگە يە بولىپ، وعان «التىن دومبىرا» مەن اۆتوكولىك تابىستالدى.
ءبىرىنشى ورىندى نۇربول جاۋىنبايەۆ (اقتوبە)، ەكىنشى ورىندى ايىم اسىلبەك قىزى (الماتى)، ءۇشىنشى ورىندى ءومىرجان كوپبوسىن ( ۇلىتاۋ)، ديدار قامي (قاراعاندى) جانە اسپانبەك شۇعاتاي (پاۆلودار) يەلەندى.
سونداي-اق، باسقا قاتىسۋشىلار ارنايى جۇلدەمەن ماراپاتتالدى.
ايتىس دەمەۋشىسى - كاسىپكەر، مەسەنات، Q4 «تۇلپار» كومپانياسىنىڭ نەگىزىن قالاۋشى تالعات ساقان.
جىر دوداسى ۇلتتىق قۇندىلىقتاردى دارىپتەپ، تالانتتى اقىندارعا قولداۋ كورسەتۋدە ماڭىزدى وقيعا بولدى.
