استانادا تۇراقتى تىركەۋگە تۇرۋشىلاردى شەكتەۋ قالا بيۋجەتىنە كەرى اسەر ەتپەيدى – ۇ ە م
استانا. KAZINFORM - ۇلتتىق ەكونوميكا ءمينيسترىنىڭ ءبىرىنشى ورىنباسارى ازامات ءامرين سەناتتا وتكەن دوڭگەلەك ۇستەلدەن كەيىن وتكەن باسپا ءسوز ءماسليحاتىندا استانا پاتەرلەرىنە تۇراقتى تىركەۋگە تۇرۋشىلاردىڭ باسپانا شارشى مەترىنە قاراي شەكتەۋ شاراسى نورماسىنا قاتىستى پىكىر ءبىلدىردى.
جۋرناليست اتالعان ۇسىنىستىڭ قالا بيۋجەتىنە تۇسەتىن سالىققا قالاي اسەر ەتەتىنىن سۇراعان ەدى.
- استانا، الماتى، اتىراۋ قالالارى بيۋجەتكە دونور بولىپ وتىرعانى راس. جىل سايىن كۇتىلگەن بولجامداردان ارتىق ءتۇسىم كەلىپ جاتىر. ونىڭ بىرنەشە سەبەبى بار. استانا تۇراقتى تىركەۋگە تۇراتىنداردىڭ سانىن شەكتەۋ سالىق تۇسىمدەرىن ازايتا ما دەگەنگە كەلسەك، مەن ولاي بولادى دەپ ويلامايمىن. بىرىنشىدەن، جىل سايىن جاقسى ديناميكا بايقالىپ وتىر. تىركەلگەن كاسىپكەرلەر سانى ارتىپ كەلەدى. استانا بيۋجەتىنىڭ الەۋمەتتىك باعىتتاعى عانا ەمەس، دامۋ باعىتىنداعى شىعىستارى دا ارتىپ وتىر. سوندىقتان، مەنىڭ ويىمشا تىركەۋگە شەكتەۋ قويۋدان بيۋجەت كولەمى ازايادى دەپ كۇتىپ وتىرعان جوقپىز، - دەدى ازامات ءامرين.
بۇعان دەيىن استانادا تۇرعىنداردى پاتەرگە تىركەۋگە قويۋدىڭ جاڭا ءتارتىبى قاشان قابىلداناتىنىن جازعان ەدىك.
