استانادا تەمىربەك جۇرگەنوۆ تۋرالى كىتاپتار تانىستىرىلدى
استانا. KAZINFORM – ق ر ۇلتتىق اكادەميالىق كىتاپحاناسىندا كورنەكتى مادەنيەت قايراتكەرى تەمىربەك جۇرگەنوۆتىڭ 125 جىلدىعى اياسىندا تۇلعاعا ارنالعان كىتاپتاردىڭ تۇساۋكەسەرى ءوتتى.
ءىس-شاراعا مەملەكەت جانە قوعام قايراتكەرلەرى، ق ر پارلامەنتىنىڭ دەپۋتاتتارى، ق ر پرەزيدەنتى جانىنداعى ۇلتتىق قۇرىلتاي مۇشەلەرى، اقىندار مەن جازۋشىلار، زيالى قاۋىم وكىلدەرى جانە وقىرماندار قاتىستى.
جازۋشى بەيبىت قويشىبايەۆتىڭ «كوميسسار جۇرگەنوۆ» كىتابى تۇرىك تىلىنە اۋدارىلسا، جازۋشى الماجان وتەعاليەۆانىڭ «تەميربەك جۋرگەنوۆ: تريۋمف ي تراگەديا» كىتابى ورىس تىلىندە جارىق كورىپ، كوپشىلىككە تانىستىرىلدى.
«كوميسسار جۇرگەنوۆ» رومانىندا مەملەكەت قايراتكەرىنىڭ ءومىر جولى سيپاتتالعان. ال «تەميربەك جۋرگەنوۆ: تريۋمف ي تراگەديا» مونوگرافيالىق ەڭبەگىندە قازاق ا ك س ر- ءنىڭ حالىق اعارتۋ كوميسسارى تەمىربەك جۇرگەنوۆتىڭ مەملەكەتتىك جانە قوعامدىق-ساياسي قىزمەتى جان-جاقتى اشىلعان.
«مادەنيەت جانە اقپارات مينيسترلىگى تەمىربەك قارا ۇلىنىڭ مۇراسىن ناسيحاتتاۋعا ەرەكشە كوڭىل بولەدى. قازاقستان مادەنيەتىن دامىتۋعا قوسقان باعا جەتپەس ۇلەسى ءاردايىم ۇلگى بوپ قالا بەرەدى»، - دەدى ق ر مادەنيەت جانە اقپارات ۆيتسە-ءمينيسترى ارمان جۇدەبايەۆ.
ايتا كەتەيىك، 2023-جىلى تۇركسوي ۇيىمىنىڭ شەشىمىمەن قازاقتىڭ مەملەكەت جانە قوعام قايراتكەرى تەمىربەك جۇرگەنوۆ جىلى دەپ جاريالاندى. حالىقارالىق ۇيىم داڭقتى تۇلعانىڭ قۇرمەتىنە وراي جىل بويى ءتۇرلى شارالار ۇيىمداستىردى.
