استانادا سيفرلىق تەحنولوگيالاردى HR سالاسىنا ءتيىمدى ەنگىزۋ ماسەلەسى تالقىلانىپ جاتىر
استانادا HR جانە سيفرلىق تەحنولوگيالاردىڭ ۇجىم باسقارۋداعى ماڭىزى تۋرالى كونفەرەنسيا ءوتىپ جاتىر، دەپ حابارلايدى Kazinform.
ق ر پرەزيدەنت ءىس باسقارماسى مەديتسينالىق ورتالىعىنا قاراستى مەديتسينالىق تەحنولوگيالار جانە اقپاراتتىق جۇيەلەر ورتالىعىنىڭ ۇيىمداستىرۋىمەن ءوتىپ جاتقان شاراعا مەملەكەتتىك قۇرىلىمداردىڭ، بەلگىلى مەديتسينالىق حابتاردىڭ، الپاۋىت كومپانيالاردىڭ توپ-مەنەدجەرلەرى، HR جانە IT ساراپشىلار، بيزنەس- تالىمگەرلەر قاتىسىپ وتىر.
كونفەرەنسياعا قاتىسۋشىلار جالپى وتىرىستان كەيىن سەكتسيالارعا ءبولىنىپ، سالاداعى وزەكتى ماسەلەلەردى تالقىلاۋعا وتەدى. ول سەكتسيالاردا ۇجىمدى ىنتالاندىرۋ ارقىلى باسقارۋ، ماماندار تۇراقسىزدىعىن الدىن الا بولجاۋ جانە سەبەپتەرىمەن كۇرەسۋ، كورپوراتيۆ مادەنيەتى، سيفرلىق گيگيەنا، ۇجىمنىڭ ەموتسيالىق زەيىنىن باسقارۋ سياقتى وزەكتى ماسەلەلەر ساراپقا سالىنادى.
كونفەرەنسيانىڭ اشىلۋىندا ءسوز سويلەگەن پرەزيدەنت ءىس باسقارماسى مەديتسينالىق ورتالىعىنىڭ باسشىسى الەكسەي سوي تەحنولوگيالار مەن ۇجىمداعى مادەني قۇندىلىقتار كۇن سايىن جەتىلىپ جاتقان زاماندا مامانداردى باسقارۋ سالاسىن ۋاقىت تالاپتارىنا ساي باعدارلاۋ ماڭىزدى ەكەنىن اتاپ ءوتتى.
«ءبىز ۇزدىكسىز دامىپ جاتقان تەحنولوگيالىق وزگەرىستەر ءبىزدىڭ ءومىرىمىزدىڭ ءتۇرلى سالاسىنا اسەرىن تيگىزىپ جاتقان بىرەگەي داۋىردە ءومىر ءسۇرىپ جاتىرمىز. بۇگىن ءبىز سيفرلىق تەحنولوگيالاردىڭ HR سالاسىنىڭ ءاربىر اسپەكتىنە ەنىپ جاتقانىن كورىپ وتىرمىز. كونفەرەنسيا اياسىندا پەرسونالدى ىرىكتەۋدە IT قولدانۋ، تالانتتاردى باسقارۋ ءۇشىن يننوۆاتسيالىق شەشىمدەردى ەندىرۋ ماسەلەلەرى، سونداي-اق كادردى وقىتۋ مەن دامىتۋداعى سيفرلىق پلاتفورمالاردىڭ ءرولىن قاراستىرامىز. بۇل يننوۆاتسيالىق تاسىلدەردىڭ ۇزدىك كوماندالاردى قالاي قالىپتاستىرا الاتىنىن زەرتتەۋگە ايرىقشا كوڭىل بولىنەدى. ءبىز بولاشاقتا قانداي داعدىلار مەن بىلىكتىلىكتەر سۇرانىستا بولاتىنىن جانە ءبىزدىڭ كوماندالاردى وزگەرىستەرگە قالاي دايىنداۋعا بولاتىنىن قاراستىرامىز»، - دەدى الەكسەي سوي.
شارادا پرەزيدەنت ىستەرى باسقارماسىنىڭ جۇيەسىندە پەسونلامەن جۇمىس سالاسىندا قانداي جەتەكشى شەشىمدەر قولدانىلاتىنى تۋرالى دا باياندالادى. ق ر پرەزيدەنتى ءىس باسقارماسىنىڭ ۇيىمداستىرۋشىلىق-باقىلاۋ جانە كادرلىق جۇمىس ءبولىمى مەڭگەرۋشىسىنىڭ ورىنباسارى شولپان جۇماعۇلوۆا، مەديتسينالىق تەحنولوگيالار جانە اقپاراتتىق جۇيەلەر ورتالىعىنىڭ ۆيتسە-پرەزيدەنتى گۇلنۇر بوكەنوۆا كادرلىق اكىمشىلەندىرۋ جانە HR پروتسەستەرىن اۆتوماتتاندىرۋداعى وڭ تاجىريبەلەر تۋرالى اڭگىمەلەيدى.
ق ر پ ءى ب «ينجەنەرلىك- تەحنيكالىق ورتالىق» ر م ك ديرەكتورىنىڭ مىندەتىن اتقارۋشى مانات ىسقاقوۆ كاسىپورىن جۇمىسىندا پايدالانىلاتىن سيفرلىق تەحنولوگيالار جايىندا مالىمەت بەرمەك.
اۆتور
ەسىمجان ناقتىباي
