استانادا ستۋدەنتتەر قاتارىنا قابىلداۋ كەشىندە قازاقستاننىڭ ەڭ ۇلكەن تۋى اشىلدى
ستۋدەنتتەر قاتارىنا قابىلداۋ كەشى ءوتتى، دەپ حابارلايدى Kazinform.
جاقسىلىق ۇشكەمپىروۆ اتىنداعى «جەكپە- جەك» سارايىندا وتكەن شاراعا اسحات ايماعامبەتوۆ، ايداربەك حودجانازاروۆ، ءلايلا سۇلتان قىزى، ەلنۇر بەيسەمبايەۆ جانە تاعى دا باسقا ەلگە تانىمال تۇلعالار قوناق بولىپ قاتىستى.
بۇل ءراسىم 1994-جىلدان بەرى ۇزدىكسىز وتكىزىلىپ كەلەدى، اتالعان شارا ۋنيۆەرسيتەتكە جاڭا ستۋدەنتتەردى قابىلداۋدىڭ ماڭىزدىلىعىن كورسەتەدى. بيىلعى سالتاناتتى شارا ۋنيۆەرسيتەتتىڭ كەلەر جىلى تويلاناتىن 30 جىلدىعىنا ورايلاستىرىپ، «30 جىل - بۇل تەك باستاما» دەگەن اتاۋمەن وتكىزىلدى.
سونداي- اق كەش باعدارلاماسى اياسىندا - قازاقستاننىڭ ەڭ ۇلكەن تۋىنىڭ اشىلۋ ءراسىمى ءوتتى. جىبەكتەن توقىلعان تۋدىڭ اۋدانى 80 شارشى مەتردى قۇراسا، سالماعى 60 كەلىگە جۋىق بولدى. اتالعان شارانىڭ حەدلايندەرى رەتىندە ەسترادا جۇلدىزدارى - قايرات نۇرتاس پەن داستان ورازبەكوۆ كورەرمەندەر الدىندا ونەر كورسەتتى. بۇل اۋقىمدى شاراعا بەس مىڭنان استام ادام قاتىستى.
شارا بارىسىندا ۋنيۆەرسيتەتتىڭ جوعارى مەكتەپتەرى الەۋمەتتىك جوبا مەن تەاترلىق قويىلىم بويىنشا ءوزارا سايىسقا ءتۇستى. ءادىل قازىلار القاسىنىڭ قۇرامىندا اراي ءالىمحان، اسەل اقپار، Amre, دينا تاجەنوۆا، دينا سانسىزبايەۆا سىندى تانىمال تۇلعالار بولدى. جەڭگەن كوماندا ۇرپاقتان ۇرپاققا تابىستالىپ كەلە جاتقان كۋبوكتى يەلەندى.
ايتا كەتۋ كەرەك، ستۋدەنتتەر بۇل ءىس- شاراعا ءۇش اي بويى دايىندالعان بولاتىن.
