استانادا ەرەسەكتەر اراسىندا قىزىلشا جۇقتىرۋ جاعدايى جيىلەدى

ماماننىڭ ايتۋىنشا، استانادا قىزىلشا بويىنشا ەپيدەميولوگيالىق جاعداي تۇراقسىز دەپ باعالانۋدا. وسى اپتادا تاۋلىگىنە 48 گە جۋىق جاعداي تىركەلدى.

«قاڭتار ايىنىڭ باسىنان بەرى ەلوردادا قىزىلشانىڭ 1029 باستاپقى جانە 321 راستالعان جاعدايى تىركەلدى، ونىڭ ىشىندە 14 جاسقا دەيىنگى بالالار اراسىندا - 227 جۇقتىرۋ جاعدايى بار. ناۋقاستاردىڭ 68 پايىزدان استامى - بۇرىن قىزىلشاعا قارسى ەكپە الماعاندار، بۇل ينفەكسيانىڭ ەلوردادا تارالۋىنا اكەلدى»، - دەدى س. بەيسەنوۆا استانا قالاسىنىڭ كوممۋنيكاتسيالار قىزمەتىندە وتكەن بريفينگىدە.

سوڭعى اپتادا قىزىلشا اۋرۋىنىڭ كورسەتكىشى الدىڭعى اپتامەن سالىستىرعاندا 1,1 ەسەگە ءوستى. وتكەن جاڭا جىلدىق مەرەكە كەزىندە الەۋمەتتىك قارىم-قاتىناستىڭ ارتۋىنا بايلانىستى ەرەسەكتەر اراسىندا قىزىلشا جۇقتىرۋدىڭ 49 دان 71 جاعدايعا دەيىن ءوسۋى بايقالادى.

«ال 1 جاسقا دەيىنگى جانە 3 جاستاعى بالالار اراسىنداعى سىرقاتتانۋ كەرىسىنشە جەلتوقسان ايىمەن سالىستىرعاندا تومەندەگەن. ماسەلەن، 1 جاسقا دەيىنگى ناۋقاس بالالاردىڭ ۇلەس سالماعى 14 پايىزدان 8 پايىزعا دەيىن جانە 3 جاستاعى بالالار ۇلەسى - 22 پايىزدان 16 پايىزعا دەيىن تومەندەدى. وعان قوسىمشا جاپپاي يممۋنداۋ كومەكتەستى. ياعني، ۆاكسينالاۋ تيىمدىلىگىن جوققا شىعارۋ مۇمكىن ەمەس»، - دەيدى سپيكەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى