استانادا قىزىلشا جۇقتىرعان 4 بالا اۋىر حالدە جاتىر
ەلوردادا قىزىلشا ينفەكسياسىن جۇقتىرعان 4 بالا رەانيماتسيا بولىمىندە جاتىر. بۇل تۋرالى قالالىق 3№ كوپبەيىندى بالالار اۋرۋحاناسى ديرەكتورىنىڭ ورىنباسارى روزا وتەگەنوۆا ءمالىم ەتتى، دەپ حابارلايدى Kazinform اگەنتتىگى.
«قاڭتار ايىنىڭ باسىنان بۇگىنگە دەيىن 100 گە جۋىق بالا قىزىلشادان ەمدەلىپ شىقتى. قازىر رەانيماتسيا بولىمىندە 4 بالا جاتىر. ولار قىزىلشا جۇقتىرعانعا دەيىن ەسەپتە تۇراتىن، دياگنوزى بار بالالار. ونىڭ ۇستىنە ەكپە الماعاندىقتان قيىنعا سوعىپ جاتىر»، - دەدى روزا وتەگەنوۆا استانا قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ماماننىڭ مالىمدەۋىنشە، كوپتەگەن فاكتور حالىقتىڭ قىزىلشاعا قارسى يممۋنيتەتىنىڭ السىزدىگىنەن.
«ەلوردادا وتكەن جىلعى 6- قاراشادان باستاپ بۇگىنگە دەيىن %36,5، ياعني 44800 بالا ەكپە الدى. سونىمەن قاتار ريەۆاكتسيناتسيا جۇرگىزىپ، بالالارعا ۋاقتىلى ەكپە سالۋ قاجەت»، - دەيدى ول.
