استانادا قازاق تىلىندە ونلاين- كونتەنت جاساۋشىلاردىڭ VII فورۋمى ءوتىپ جاتىر
استانا. KAZINFORM - تانىمال مەديا ساراپشىلار، جۋرناليستەر، باس رەداكتورلار، بلوگەرلەر باس قوسقان فورۋمدا قازاق ءتىلدى ونلاين مەديانى دامىتۋ ماسەلەلەرى جان- جاقتى تالقىلاندى.
QazForum - ينتەرنەتتەگى قازاقشا كونتەنتتى دامىتۋعا ارنالعان بىرەگەي كاسىبي الاڭ. ا ق ش- تىڭ قازاقستانداعى ەلشىلىگىنىڭ قولداۋىمەن جىل سايىن ۇيىمداستىرىلاتىن ءىس- شارادا وزەكتى پروبلەمالار قاۋزالىپ، تىڭ يدەيالار ايتىلاتىنىن اتاپ وتكەن ءجون. بيىلعى فورۋمنىڭ باستى تاقىرىبى: «بولاشاقتىڭ ديدارى. جاڭا تەحنولوگيالار جانە مەديا».
فورۋم اياسىندا كۇندەلىكتى ومىردە نەيروجەلىلەردى پايدالانۋ مەن جاساندى ينتەللەكتتىڭ كومەگىمەن كونتەنت جاساۋدىڭ تاسىلدەرى بويىنشا ماستەر-كلاسستار وتكىزىلەدى. بۇدان بولەك، باتىس قازاقستان وبلىسىنان سۋ تاسقىنى تۋرالى 360 فورماتتا تۇسىرىلگەن ارنايى رەپورتاج دا قاتىسۋشىلاردىڭ نازارىنا ۇسىنىلادى.
ۇيىمداستىرۋشىلاردىڭ مالىمەتىنشە، بۇگىندە ستۋدەنتتەردىڭ %61 ى قازاق تىلىندە وقيدى، ب ا ق- تاعى كونتەنتتىڭ %83 ى قازاق تىلىندە بەرىلەدى. قۇجات اينالىمىنىڭ %99,8 ى قازاق تىلىندە جۇرگىزىلەدى. ال، قازاقستانداعى قازاقتاردىڭ ۇلەسى %70,65 عا جەتكەن.
