استانادا قاتتى جەلدەن Mega SilkWay ساۋدا ورتالىعىنىڭ قورشاۋى ايەلدىڭ ۇستىنە قۇلادى
استانادا Mega SilkWay ساۋدا ورتالىعى جانىندا قاتتى جەلدىڭ ەكپىنىنەن قورشاۋ قۇلادى. سالدارىنان ءبىر ايەل №2-كوپسالالى اۋرۋحاناعا جەتكىزىلدى. بۇل تۋرالى استانا قالاسى ەسىل اۋدانى اكىمدىگىنىڭ باسپا ءسوز قىزمەتى ايتتى، دەپ حابارلايدى Kazinform اگەنتتىگى.
وقيعا ۆيدەوسى Astanovka98 تەلەگرام ارناسىندا جاريالانعان ەدى.
اۋدان اكىمدىگىنىڭ باسپا ءسوز قىزمەتى باننەردى Mega SilkWay ساۋدا ورتالىعى ورناتقانىن حابارلادى.
«قاتتى جەل سالدارىنان باننەر مەن ونىڭ پلاستيكالىق جاقتاۋى ۇشىپ كەتكەن. ناتيجەسىندە 1954-جىلى تۋعان ازامات جاراقات الدى، ونىڭ كەۋدە جانە شىنتاق بۋىندارى كوگەرگەن. تۇرعىن №2 قالالىق كوپسالالى اۋرۋحاناعا جەتكىزىلدى. قازىرگى ۋاقىتتا قورشاۋعا ىلىنگەن باننەرلەر كەسىلىپ، الىنىپ تاستالدى، ويتكەنى ولار ءىسىنىپ، قورشاۋدى قۇلاتقان»، - دەپ حابارلادى ۆەدومستۆو.
اۋدان اكىمدىگى استانالىقتاردى جارنامالىق قۇرىلىمدارعا، افيشالارعا جاقىن جەردە اباي بولۋعا جانە مۇمكىندىگىنشە ۇيدە بولۋعا شاقىردى.
سونداي-اق، الەۋمەتتىك جەلىلەردە قاتتى جەلدەن اۋدارىلعان كولىكتەر مەن قۇلاعان قاسبەتتەردىڭ فوتوسۋرەتتەرى جاريالانۋدا.
ايتا كەتەيىك، قازاقستاننىڭ باسىم بولىگىندە اۋا رايىنا بايلانىستى ەسكەرتۋ جاريالاندى.
