استانادا ناۋرىز مەرەكەسىنە ارنالعان اۋقىمدى ءىس-شارالار ءوتىپ جاتىر
استانا. قازاقپارات - ەلوردادا 21-22-ناۋرىز كۇندەرى قالانىڭ التى اۋدانىنداعى بارلىق اشىق الاڭدا، ونىڭ ىشىندە ەلدى مەكەندەردە ناۋرىز مەيرامىنا ارنالعان مەرەكەلىك شارالار ءوتىپ جاتىر. بۇل تۋرالى استانا اكىمدىگىنىڭ باسپا ءسوز قىزمەتى حابارلادى.
قالالىق الاڭدا (ەلوردا اكىمدىگى عيماراتىنىڭ الدىندا)، «قازاق ەلى» جانە «بايتەرەك» مونۋمەنتتەرى الاڭدارىندا، «استانا ارەنا» ستاديونى مەن ەكسپو الاڭىنىڭ اۋماعىندا تاڭەرتەڭنەن باستاپ مەرەكەلىك اندەر وينالىپ، قولونەر جارمەڭكەلەرى اشىلىپ، ءداستۇرلى تاعامدار دايىندالۋدا، سول سياقتى ۇلتتىق سپورت تۇرلەرىنەن جارىستار ءوتىپ، جۇلدەگەرلەر باعالى سىيلىقتارمەن ماراپاتتالىپ جاتىر. قاتىسۋشىلار گىر كوتەرۋ، قول كۇرەسى، ارقان تارتۋ، اسىق اتۋ، قازاقشا كۇرەس، قوي كوتەرۋ، ت. ب. سىنعا ءتۇسىپ جاتىر.
التى اۋداندا دا كيىز ۇيلەر تىگىلىپ، مەرەكەلىك جارمەڭكەلەر ۇيىمداستىرىلدى. وتەتىن ورىنداردا قازاقستاندىق ەسترادا جۇلدىزدارى مەن قالالىق وركەسترلەر ونەر كورسەتەدى. ولاردىڭ قاتارىندا قانات ۇمبەتوۆ، اباي بەگەي، الىشەر كارىموۆ، ايدار ءبايدىلدين، «التىن» تريوسى، «ارت دومبىرا» توبى، ءمادي قادىروۆ، عالىمجان جولداسباي، نۇركەن ياكيايەۆ، مەلومەن، جاقسىكەلدى ماياساروۆ، «قازاقيا» دۋەتى، ايگەرىم مامىروۆا، كەڭەس ءالىمجان، عادىلبەك جاناي، مارجان اراپبايەۆا، نۇرلان مەن مۇرات، اسحات تارعىن، ايگۇل يمانبايەۆا، «التىن» ەتنو ءانسامبلى، ديارت، بايتەرەك توپتارى، ەرنار جۇماتايەۆ جانە ت. ب. بار.
ءتۇرلى- ءتۇستى فوتوايماقتار ۇيىمداستىرىلىپ، التىباقاندار ورناتىلدى.
21 -ناۋرىز كۇنى ساعات 11.00 دەن باستاپ ەسىل اۋدانىندا «بايتەرەك» مونۋمەنتىندە مەرەكەلىك شارالار باستالىپ، ۇلتتىق سپورت تۇرلەرىنەن جارىستار ءوتىپ جاتىر، ساعات 13.00 دە كونسەرتتىك باعدارلاما باستالادى.
ساعات 11:00 دەن باستاپ ەكسپو الاڭىندا ۇلتتىق سپورت تۇرلەرىنەن جارىستار، قولونەر جارمەڭكەسى مەن مەرەكەلىك ساۋدا-ساتتىق وتەدى. 14:00 دە كونسەرت باستالادى.
سارىارقا اۋدانىنداعى قالالىق الاڭدا مەرەكەلىك شارالار وتۋدە. اۋماقتا سەگىز كيىز ءۇي تىگىلىپ، ساعات 11:00 دەن باستاپ ەلوردالىق قوناقتار ۇلتتىق قولونەرمەن تانىسىپ، ۇلتتىق تاعامدار ساتىپ الاتىن ءداستۇرلى ونىمدەردىڭ جارمەڭكەسى كۇتىپ تۇر. ۇلتتىق سپورت تۇرلەرىنەن دە جارىستار ءوتىپ جاتىر، ال ساعات 13:00 دە استانالىق ونەرپازداردىڭ قاتىسۋىمەن مەرەكەلىك كونسەرت باستالدى.
بايقوڭىر اۋدانىندا ساعات 12:00دە اتاتۇرىك ساياباعىندا ۇلتتىق سپورت تۇرلەرىنەن جارىس باستالدى: قازاق كۇرەسى، ارقان تارتۋ، گىر كوتەرۋ، اسىق اتۋ، قوي كوتەرۋ، ت. ب. ءاز- ناۋرىز مەرەكەسىنە ارنايى فوتوايماق تا ۇيىمداستىرىلعان. ساعات 13:00 دەن باستاپ جۇلدىزداردىڭ قاتىسۋىمەن مەرەكەلىك كونتسەرتتىك باعدارلاما بولادى.
سونداي- اق، 12:00 دە جازۋشىلار اللەياسىندا (اباي داڭعىلى مەن سەمبينوۆ كوشەسىنىڭ قيىلىسى) مەرەكەلىك كونسەرت باستالدى.
سارايشىق اۋدانىندا ساعات 13:00 دەن باستاپ «قازاق ەلى» مونۋمەنتى جانىنداعى الاڭدا مەرەكەلىك شارا كونسەرتتىك باعدارلامامەن جالعاسادى، سول سياقتى ۇلتتىق سپورت تۇرلەرىنەن جارىستار، قولونەرشىلەر جارمەڭكەسى مەن مەرەكەلىك ساۋدا وتەدى.
الماتى اۋدانىندا مەرەكەلىك شارالار ساعات 11:00 دە تاۋەلسىزدىك داڭعىلىندا ورنالاسقان ءال- فارابي اتىنداعى وقۋشىلار سارايىنىڭ اۋماعىندا باستالدى. تاڭەرتەڭ ۇلتتىق سپورت تۇرلەرىنەن جارىستار، قولونەر جارمەڭكەسى، مەرەكەلىك ساۋدا ۇيىمداستىرىلادى. ساعات 13:00 دەن باستاپ ونەرپازداردىڭ قاتىسۋىمەن كونسەرت وتەدى.
نۇرا اۋدانىندا مەرەكەلىك شارالار 20-ناۋرىزدا باستالدى. 21 -ناۋرىز ساعات 11.00 دەن باستاپ «استانا ارەنا» ستاديونى الدىنداعى الاڭدا قولونەرشىلەردىڭ ساۋدا ورىندارى اشىلىپ، ۇلتتىق سپورت تۇرلەرىنەن جارىستار ءوتىپ جاتىر. ەستە قالارلىق فوتوسۋرەتتەر ءۇشىن بۇل جەردە بۇركىتشىلەر، تازىلار، تۇيەلەر مەن سايگۇلىكتەر بار، سونداي- اق تاقىرىپتىق فوتوايماقتار ۇيىمداستىرىلعان. سونىمەن قاتار، كيىز ۇيلەر مەن كارتينالار كورمەگە قويىلىپ، ساعات 13.00 دە كونسەرتتىك باعدارلامامەن جالعاستى.
ەسكە سالايىق، 14 ناۋرىزدان باستاپ قازاقستاندا ناۋرىز مەيرامىن تويلاۋعا ارنالعان ناۋرىزناما ونكۇندىگى ءوتىپ جاتىر. وسى 10 كۇن ىشىندە استانادا مەرەكەگە وراي 200 دەن استام اۋقىمدى ءىس- شارا - كونتسەرتتەر، كورمەلەر، قويىلىمدار، شىعارماشىلىق كەشتەر جانە ت. ب. وتەدى.
