استانادا مۇڭايتپاسوۆ اتىنداعى ستاديوننىڭ ورنىنا جاڭا نىسان سالىنادى

بۇل تۋرالى استانا قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىبايەۆ ايتتى، دەپ حابارلايدى Kazinform.

«قاجىمۇقان مۇڭايتپاسوۆ اتىنداعى ستاديوننىڭ ورنىنا جاڭا نىساننىڭ قۇرىلىسى بويىنشا 2021-جىلعى 28- شىلدەدە «قۇرىلىسكونسالتينگ» ۇلتتىق ورتالىعى» ا ق- مەن جوبالاۋ جۇمىستارى بويىنشا شارت جاسالدى. سونىمەن قاتار، 2022-جىلعى 15- ناۋرىزدا ەسكى ستاديوندى ءسۇرىپ تاستاۋ جوباسىنا كەشەندى ساراپتامانىڭ وڭ قورىتىندىسى الىندى»، - دەلىنگەن استانا اكىمدىگىنىڭ Kazinform اگەنتتىگىنە بەرگەن جاۋابىندا.

اتاپ ايتقاندا، بيىلعى 20- ساۋىردە ەسكيزدىك جوبا استانا قالاسىنىڭ ساۋلەت، قالا قۇرىلىسى جانە جەر قارىم-قاتىناستارى باسقارماسىمەن كەلىسىلگەن. ال جەلتوقسان ايىندا قۇرىلىسقا قاتىستى ءتيىستى قورىتىندى الۋ جوسپارلانعان.

«2024-جىلى جاڭا ستاديوندى سالۋ بويىنشا قۇرىلىس-مونتاجداۋ جۇمىستارىن باستاۋ جوسپارلانىپ وتىر. جاڭا ستاديون 2025-جىلعى شىلدە ايىندا پايدالانۋعا بەرىلمەك»، - دەپ ناقتىلادى ەلوردا اكىمدىگى.

بۇدان بۇرىن حابارلانعانداي، 2021-جىلى قالا اكىمدىگى قاجىمۇقان مۇڭايتپاسوۆ اتىنداعى ورتالىق ستاديوننىڭ جاڭا عيماراتىن سالۋ ءۇشىن ەسكيزدىك جوبا جاسالىپ جاتقانىن جاريالادى. سول كەزدە ستاديون اپاتتىق جاعدايدا تۇرعانى ايتىلعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى