استانادا ليفتىدە جاراقاتتانعان بالا اۋرۋحانادان شىعارىلادى
استانا. KAZINFORM - ەلوردادا تۇرعىن ءۇي ليفتىندە جاراقات العان بالانىڭ دەنساۋلىعى جاقسارىپ كەلەدى، ەرتەڭ اۋرۋحانادان ۇيىنە شىعارىلادى.
- بالانىڭ جاعدايى جاقسى، ەش شاعىم جوق. بۇگىن تاڭۋ جاسالعاندا جاراقات تىگىستەرى جارتىلاي الىندى. قابىنۋ بەلگىلەرى جوق، سوندىقتان ەرتەڭ بالانى اۋرۋحانادان شىعارۋدى جوسپارلاپ وتىرمىز، - دەدى №2 كوپبەيىندى قالالىق بالالار اۋرۋحاناسى ديرەكتورىنىڭ ورىنباسارى مەدەت نۇعمانوۆ.
ايتا كەتەيىك، ەلورداداعى تۇرعىن ۇيلەردىڭ ءبىرىنىڭ ليفتىندە جاس ءوسپىرىمنىڭ كىشكەنتاي بالاعا پىشاقپەن شابۋىل جاساعانى تۋرالى اقپارات تارادى.
شابۋىل جاساعان ءجاسوسپىرىم ارنايى پسيحونيەۆرولوگيالىق ەسەپتە تۇرعان.
گەشتالت- پسيحولوگ لەيلا ميراس پسيحيكاسى دەرتكە شالدىققان، ياعني قاۋىپتى بولۋى مۇمكىن ادامدى قالاي بايقاپ، قالاي ساقتانۋ كەرەكتىگى تۋرالى كەڭەس بەردى.
اۆتور
ايجان سەرىكجان قىزى
