استانادا «ەلوردا جاستارى» باعدارلاماسىنا قاتىسۋعا ءوتىنىم قابىلداۋ باستالادى

وتىنىمدەردى قابىلداۋ 1-اقپاننان باستاپ ساعات 9.00 دەن 6-اقپانعا دەيىن ساعات 23.59 عا دەيىن ەلەكتروندىق تۇردە birge.astana.kz پورتالى ارقىلى جۇزەگە اسىرىلادى (ءوتىنىم بەرۋ جونىندەگى نۇسقاۋلىق zhilfond.kz سايتىنىڭ وسى باعدارلاما بويىنشا حابارلاندىرۋىندا، «جاڭالىقتار» بولىمىندە ورنالاستىرىلعان).

باعدارلاما «وتباسى بانك» ا ق ارقىلى ەلوردادا باستاپقى/قايتالاما نارىقتا ءوز پاتەرىڭىزدى ساتىپ الۋعا مۇمكىندىك بەرەدى.

بانك بارلىعى 80 نەسيە بەرەدى.

باعدارلامانىڭ شارتتارى:

- قارىزدىڭ ەڭ جوعارى سوماسى - 18 ميلليون تەڭگە؛

- باستاپقى جارنا -%10؛

- قارىز بويىنشا مولشەرلەمە – جىلدىق %5؛

- نەسيەلەۋ مەرزىمى 25 جىلعا دەيىن.

جالپى تالاپتار:

- ءوتىنىم بەرۋ كەزىندە 35 جاسقا تولماعان بولۋى كەرەك؛

- سوڭعى 1 جىلدا استانا قالاسىندا تۇراقتى تۇردە مەكەنجايعا تىركەلگەن بولۋى كەرەك؛

- باعدارلاماعا قاتىسۋشىنىڭ جانە ونىڭ وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا سوڭعى 5 (بەس) جىل ىشىندە ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ، ساتىپ الۋ قۇقىعىنسىز جالعا بەرىلەتىن تۇرعىن ءۇيدىڭ نەمەسە مەنشىك قۇقىعىمەن تۇرعىن ءۇيدىڭ (ەرلى- زايىپتىلاردىڭ ورتاق بىرلەسكەن مەنشىگى، وتىنىشكە ەنگىزىلەتىن وتباسىنىڭ باسقا مۇشەلەرىمەن بىرلەسىپ ورتاق ۇلەستىك مەنشىك) بولماۋى؛

- ءوتىنىش بەرۋ ساتىندەگى قاتىسۋشىنىڭ تاڭدالعان سالاداعى رەسمي جۇمىس ءوتىلى سوڭعى ءبىر جىلدان كەم ەمەس؛

- جيناقتالعان سوماسى 1.8 ميلليون تەڭگەدەن كەم ەمەس «وتباسى بانكتە» دەپوزيتتىك شوتىنىڭ بولۋى؛

- وتباسىنىڭ ءاربىر مۇشەسىنە سوڭعى 6 اي ءۇشىن ەڭبەك نەمەسە كاسىپكەرلىك قىزمەتتەن (زەينەتاقى اۋدارىمدارىن، جەكە تابىس سالىعىن جانە وزگە دە مىندەتتى اۋدارىمداردى ەسەپكە الماعاندا) ەڭ تومەنگى كۇنكورىس دەڭگەيىنىڭ 6 ەسەلەنگەن شاماسىنا دەيىنگى كىرىسىنىڭ بولۋى (260 442 ت گ. ) .

كەلەسى قىزمەت سالالارى بويىنشا استانا قالاسىنىڭ مەملەكەتتىك مەكەمەلەرىنىڭ دە، جەكە ۇيىمدارىنىڭ دا قىزمەتكەرلەرى قاتىسا الادى:

1. دەنساۋلىق ساقتاۋ (تەحنيكالىق جانە اكىمشىلىك پەرسونالدى قوسپاعاندا، مەديتسينا قىزمەتكەرلەرى)؛
2. ءبىلىم بەرۋ (تەحنيكالىق جانە اكىمشىلىك پەرسونالدى قوسپاعاندا، پەداگوگ قىزمەتكەرلەر)؛
3. مادەنيەت (تەحنيكالىق جانە اكىمشىلىك پەرسونالدى قوسپاعاندا، بەيىندى قىزمەتكەرلەر)؛
4. سپورت (تەحنيكالىق جانە اكىمشىلىك پەرسونالدى قوسپاعاندا، سپورتشىلار مەن جاتتىقتىرۋشى- تالىمگەرلەر)؛
5. الەۋمەتتىك سالا (تەحنيكالىق جانە اكىمشىلىك پەرسونالدى قوسپاعاندا، بەيىندى قىزمەتكەرلەر)؛
6. ج و و جانە ع ز ي (تەحنيكالىق جانە اكىمشىلىك پەرسونالدى قوسپاعاندا، وقىتۋشىلار مەن عىلىمي قىزمەتكەرلەر)
7. جۋرناليستەر (جۋرناليستەر، كوررەسپوندەنتتەر، پروديۋسەرلەر، بەتتەۋشىلەر، رەداكتور، رەجيسسەرلەر، دىبىس ينجەنەرلەرى، تەلە-راديو جۇرگىزۋشىلەرى، فوتوگرافتار، تەلەراديو حابارلارىن تاراتۋ ينجەنەرلەرى، گرافيكالىق جانە مۋلتيمەديالىق ديزاينەرلەر، تەلەراديو حابارلارىن تاراتۋ تەحنيكتەرى، اۋديو-بەينە وپەراتورى، تەلەكوممۋنيكاتسيا مونتاجەرلەرى، كونتەنت- مەنەدجەر، كەڭەسشى، ۆەب- ديزاينەر، مەديا جوسپارلاۋ مەنەدجەرى، مەديا تالداۋشى، تەحنيكالىق جانە اكىمشىلىك پەرسونالدى قوسپاعاندا)؛
8. استانا قالاسىنىڭ كوممۋنالدىق كاسىپورىندارىنىڭ / مەكەمەلەرىنىڭ بەيىندى قىزمەتكەرلەرى (ۇيىمنىڭ جەكەلەگەن جوعارى تۇرعان سالالارداعى قىزمەتكەرلەرىن، ونىڭ ىشىندە تەحنيكالىق جانە اكىمشىلىك پەرسونالدى قوسپاعاندا)؛
9. قىزمەت سالاسىنا قاراماستان، استانا قالاسىندا «جەتىم بالالار» ساناتى بويىنشا تۇرعىن ءۇي كەزەگىندە تۇرعان 35 جاسقا تولماعان ازاماتتار.
10. استانا قالاسى پوليتسيا دەپارتامەنتىنىڭ قىزمەتكەرلەرى (تەحنيكالىق جانە اكىمشىلىك پەرسونالدى قوسپاعاندا، بەيىندى قىزمەتكەرلەر)؛
11. استانا قالاسى توتەنشە جاعدايلار دەپارتامەنتىنىڭ قىزمەتكەرلەرى (تەحنيكالىق جانە اكىمشىلىك پەرسونالدى قوسپاعاندا، بەيىندى قىزمەتكەرلەر)؛

ءوتىنىمدى تولتىرۋ كەزىندە قاتىسۋشى تاڭداعان سالا بويىنشا ەڭبەك قىزمەتىن جۇزەگە اسىراتىن سالامەن سايكەس كەلۋى ءتيىس.

قاجەتتى قۇجاتتار ءتىزىمى:

1. ەلەكتروندى سيفرلى كىلت؛
2. ازاماتتىق حال اكتىلەرىن مەملەكەتتىك تىركەۋ تۋرالى كۋالىك (بالا تۋۋ، نەكە قيۋ، نەكەنى بۇزۋ جانە ت. ب. )؛
3. ءوتىنىش بەرۋشىگە قازاقستان رەسپۋبليكاسى بويىنشا وتباسىنىڭ بارلىق مۇشەلەرىنە جىلجىمايتىن مۇلىكتىڭ جوقتىعى (بار بولۋى) تۋرالى انىقتاما (انىقتاما egov.kz – ق ر ەلەكتروندىق ۇكىمەت پورتالىنان ءوتىنىم بەرۋ ساتىندەگى كۇنى الىنۋى ءتيىس).
4. ۇيىمنىڭ فيرمالىق بلانكىسىندە انىقتامانىڭ بەرىلگەن كۇنى، شىعىس ءنومىرى، جۇمىسقا ورنالاسۋ كۇنى جانە اتقاراتىن لاۋازىمى مەن لاۋازىمدىق جالاقىسى كورسەتىلگەن جۇمىس ورنىنان انىقتاما.
5. ق ر ەڭبەك كودەكسىنىڭ 35-بابىنا سايكەس ەڭبەك ءوتىلىن راستايتىن قۇجاتتار (قىزمەتتىك ءتىزىم، ەڭبەك كىتابى نەمەسە ت. ب.)؛
6. ەڭبەك قىزمەتىنىڭ بارلىق كەزەڭى ءۇشىن زەينەتاقى اۋدارىمدارى تۋرالى ءۇزىندى- كوشىرمە ەرلى- زايىپتىلاردىڭ ەكەۋىنە دە (جولداسى/جۇبايى)؛
7. بولعان جاعدايدا: ءوتىنىش بەرۋشىگە نەمەسە ونىڭ وتباسى مۇشەلەرىنە (جولداسى/جۇبايى، بالالارى) مۇگەدەكتىگى تۋرالى انىقتاما؛
8. دەپوزيتتە جيناقتالعان سومانى كورسەتە وتىرىپ، «وتباسى بانك» ا ق- دا دەپوزيتتىك شوتتىڭ بولۋى تۋرالى انىقتاما (ەرلى- زايىپتىلاردىڭ ەكەۋىنە دە، جيناقتالعان سوما 1.8 ميلليون تەڭگەدەن كەم بولماۋى ءتيىس)؛
9. جۇمىس ىستەيتىن ەرلى- زايىپتىلاردىڭ ەكەۋىندە دە بولعان جاعدايدا سوڭعى 6 ايداعى تابىسى تۋرالى جۇمىس ورنىنان انىقتاما؛
10. جوعارى نەمەسە ورتا ارناۋلى ءبىلىمى تۋرالى قۇجات.
11. قولى مەن كۇنى بار دەربەس دەرەكتەردى جيناۋعا جانە وڭدەۋگە جۇبايىنىڭ/جولداسىنىڭ (بار بولسا) كەلىسىمىنىڭ سكانەرلەنگەن نۇسقاسى (كەلىسىم ۇلگىسى zhilfond.kz سايتىندا وسى باعدارلاما بويىنشا حابارلاندىرۋدا، «جاڭالىقتار» بولىمىندە ورنالاستىرىلعان).

ىرىكتەۋ قالاي جۇزەگە اسىرىلادى؟

قاتىسۋشىلاردى ىرىكتەۋ ەڭ جوعارى باللدان ەڭ تومەن باللعا ەسەپتەۋدى پايدالانا وتىرىپ جۇرگىزىلەتىن بولادى:

- تاڭدالعان سالاداعى جۇمىس ءوتىلىنىڭ تولىق 1 جىلى - 5 بالل، تاڭدالعان سالاداعى جۇمىس ءوتىلىنىڭ تولىق ەمەس جىلى - 3 بالل.

- استانا قالاسىندا «جەتىم بالالار، اتا- اناسىنىڭ قامقورلىعىنسىز قالعان بالالار» ساناتى بويىنشا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعاندار رەتىندە ءوتىنىم بەرگەن ازاماتتارعا قىزمەت سالاسىنا قاراماستان، تولىق 1 جىل جۇمىس ءوتىلى ءۇشىن - 5 بالل، تولىق ەمەس جۇمىس ءوتىلى ءۇشىن - 3 بالل ەسەپتەلەدى؛

- ءوتىنىش بەرۋشىدە نەمەسە جولداسى/جۇبايىندا I، II، III توپتاعى نەمەسە بالالاردا مۇگەدەكتىكتىڭ بولۋى - 10 بالل. ەگەر وتباسىنىڭ بىرنەشە مۇشەسىندە مۇگەدەكتىك بولسا، مۇگەدەكتىگى بار وتباسىنىڭ ءاربىر مۇشەسىنە ۇپايلار بەرىلەدى؛

قاتىسۋشىلار بىردەي ۇپاي جيناعان جاعدايدا، جاسى ۇلكەن قاتىسۋشىنىڭ ءوتۋ ۇلەسى جوعارى بولادى.

قوسىمشا اقپاراتتى كەلەسى جەردەن الۋعا بولادى:

تۇرعىن ءۇي ورتالىعى - استانا قالاسى، رەسپۋبليكا داڭعىلى، 32

8-776-198-29-70 (WhatsApp) - «ەلوردا جاستارى» باعدارلاماسى بويىنشا كەڭەس بەرۋ

109 (ۇيالى تەلەفوندار ءۇشىن) - iKomek

300 (ۇيالى تەلەفوندار ءۇشىن) - «وتباسى بانك» ا ق

اۆتور

ابىلايحان جۇماشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى