استانادا كامەلەتكە تولماعان 165 جاسءوسپىرىم پوليتسيا بولىمىنە جەتكىزىلدى
استانا. KAZINFORM - ەلوردادا جاسوسپىرىمدەر قىلمىسىنىڭ الدىن الۋ جانە كامەلەتكە تولماعانداردىڭ قۇقىقتىق ساۋاتتىلىعىن ارتتىرۋ ماقساتىندا «تۇنگى قالاداعى بالالار» جەدەل الدىن الۋ ءىس-شارالارى جۇرگىزىلىپ جاتىر، دەپ حابارلايدى استانا اكىمدىگىنىڭ باسپا ءسوز قىزمەتى.
پوليتسەيلەر اۋداندىق اكىمدىكتەردىڭ، ءبىلىم باسقارماسىنىڭ جانە استانا قالاسى اكىمدىگى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى كوميسسيانىڭ قىزمەتكەرلەرىمەن بىرلەسىپ، ساياباقتار مەن گۇلزارلاردى، كومپيۋتەرلىك كلۋبتاردى، كافەلەردى تەكسەرەدى. تەكسەرۋ بارىسىندا كامەلەتكە تولماعانداردىڭ تۇنگى ۋاقىتتا زاڭدى وكىلدەرىنسىز ويىن-ساۋىق ورىندارىندا بولۋ دەرەكتەرى انىقتالدى.
- رەيدتىك ءىس-شارالار شەڭبەرىندە اۋداندىق ءى ءى ءو- عا 165 كامەلەتكە تولماعان ءجاسوسپىرىم جەتكىزىلدى، 6 بالا ەسەپكە الىندى. سونىمەن قاتار، 151 اكىمشىلىك قۇقىق بۇزۋشىلىق انىقتالدى، ونىڭ ىشىندە ق ر ا ق ب ت ك- ءنىڭ 442-بابىنىڭ 2-بولىگى «كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە نەمەسە زاڭدى وكىلدەرىنىڭ ەرىپ ءجۇرۋىنسىز ۇيدەن تىس جەردە بولۋى» بويىنشا 109 فاكتى تىركەلدى. بالالاردىڭ زاڭدى وكىلدەرى اكىمشىلىك جاۋاپكەرشىلىككە تارتىلدى. سونداي-اق، ويىن-ساۋىق مەكەمەلەرىنىڭ يەلەرى ساعات 22.00 دەن كەيىن اتا-انالارى نەمەسە ولاردى الماستىراتىن تۇلعالارى جوق بالالاردى كىرگىزگەنى ءۇشىن جاۋاپكەرشىلىككە تارتىلدى، - دەلىنگەن حابارلامادا.
ەستەرىڭىزگە سالا كەتەيىك، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 442-بابىنا سايكەس، ساعات 22.00 دەن 6.00 گە دەيىن كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز ۇيلەرىنەن تىس جەردە زاڭدى وكىلدەرىنىڭ ەرىپ ءجۇرۋىنسىز ويىن-ساۋىق مەكەمەلەرىندە بولۋىنا جانە جۇرۋىنە تىيىم سالىنادى.
رەيدتىك ءىس-شارالار قوعامدا قۇقىقتىق سانا مەن مادەنيەت دەڭگەيىن ارتتىرۋ، زاڭدىلىق قاعيداتتارىن دامىتۋ جانە كەز كەلگەن قۇقىق بۇزۋشىلىقتارعا مۇلدەم توزبەۋشىلىك ماقساتىندا جۇرگىزىلەدى.
