استانادا جوق ۇيلەردى جالعا بەرىپ كەلگەن الاياق ايەل ۇستالدى

استانادا كيبەرقىلمىسقا قارسى ءىس-قيمىل باسقارماسىنىڭ قىزمەتكەرلەرى جەدەل- ىزدەستىرۋ شارالارى بارىسىندا جوق ۇيلەردى جالعا بەرۋمەن اينالىسقان 29 جاستاعى ايەلدى ۇستادى.

استانا قالاسى پوليتسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، كۇدىكتى Krisha.kz سايتىندا ۇيلەردى جالعا بەرۋ تۋرالى جالعان حابارلاندىرۋلار جاريالاعان.

- جابىرلەنۋشىلەرمەن حات الماسۋ كەزىندە ول استانا، الماتى قالالارىندا جانە «بۋراباي» دەمالىس بازاسىندا ۇيلەردى جالعا بەرۋگە ۋادە ەتكەن. پاتەر جالداۋعا قىزىعۋشىلىق تانىتقان ازاماتتار جالعان بانك شوتتارىنا الدىن الا تولەمدەردى اۋدارىپ، كەيىن پاتەر يەسىمەن بايلانىس ۇزىلگەن. سالدارىنان جابىرلەنۋشىلەر اقشاسىنان ايىرىلدى. جەدەل ءىس- شارالاردىڭ ناتيجەسىندە پوليتسيا قىزمەتكەرلەرى كۇدىكتىنى انىقتاپ، قولعا ءتۇسىردى. ۇستالعان ازاماتشا ءوز كىناسىن مويىندادى. قازىرگى ۋاقىتتا تەرگەۋ جۇرگىزىلۋدە، كۇدىكتىنىڭ 5 ەپيزودقا قاتىسى بار ەكەنى انىقتالدى، - دەلىنگەن حابارلامادا.

استانا قالاسىنىڭ پوليتسيا دەپارتامەنتى ازاماتتاردى ساق بولۋعا جانە اقشا اۋدارۋدان بۇرىن اقپاراتتى مۇقيات تەكسەرۋگە شاقىرادى.

- ەگەر ءسىز الاياقتىقتىڭ قۇربانى بولساڭىز، دەرەۋ پوليتسياعا حابارلاسۋ قاجەت. ايتا كەتەيىك، بيىل استانا قالاسى پ د كيبەرقىلمىسقا قارسى ءىس-قيمىل بولىمشەلەرىنىڭ قىزمەتكەرلەرى اقپاراتتىق تەحنولوگيالار سالاسىنداعى 66 قىلمىستىق قۇقىق بۇزۋشىلىقتى اشتى، - دەپ اتاپ ءوتتى ۆەدومستۆو.

وسىعان دەيىن «استانانىڭ تۇراق كەڭىستىگى» ج ش س ەلوردا اكىمدىگىنىڭ مەنشىگىنە وتكەلى جاتقانى ايتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى