استانادا جۇرگىزۋشىلەر اۆتوماتتاندىرىلعان مەديتسينالىق كۋالاندىرۋدان وتكىزىلەدى
استانا قالاسىنىڭ №3 اۆتوبۋس پاركىندە ۇكىمەت اپپاراتى، كولىك مينيسترلىگى جانە استانا قالاسىنىڭ كولىك جانە جول- كولىك ينفراقۇرىلىمىن دامىتۋ باسقارماسىنىڭ «City Transportation Systems ج ش س وكىلدەرىنىڭ قاتىسۋىمەن القالى جيىن ءوتتى.
بۇل تۋرالى Kazinform ق ر كولىك جانە كوممۋنيكاتسيا مينيسترلىگىنىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا اتالعان جۇيەنىڭ جۇرگىزۋشىنى اۆتوماتتاندىرىلعان بيومەتريالىق سايكەستەندىرۋى، كوز قاراشىعىنىڭ جارىق تىتىركەندىرگىشىنە رەاكسياسى، الكوگولدىك ماساڭدىقتى تەكسەرۋ، دەنە تەمپەراتۋراسى، قان قىسىمى جانە ءپۋلسىن ولشەۋ مۇمكىندىكتەرى كورسەتىلدى.
مەديتسينالىق كۋالاندىرۋدى اۆتوماتتاندىرىلعان رەجيمدە جۇرگىزۋ بۇل ۇردىسكە بۇرىن- سوڭدى جۇمسالعان ۋاقىتتى 1 مينۋتقا دەيىن قىسقارتۋعا، سونداي- اق اشىقتىقتى قامتاماسىز ەتۋگە، بيۋروكراتيانىڭ الدىن الۋعا جانە جۇرگىزۋشىلەردى تەكسەرۋ ناتيجەلەرىنىڭ ەلەكتروندىق ءتىزىلىمىن جۇرگىزۋگە مۇمكىندىك بەرەدى. مەديتسينالىق جابدىقتى اۆتوپاركتىڭ شتاتتىق مەديتسينا قىزمەتكەرلەرىنىڭ مىندەتتى باقىلاۋىمەن 1 اي ىشىندە سىناقتان وتكىزۋ جوسپارلانىپ وتىر.
جابدىقتى تەستىلەۋ قورىتىندىسى بويىنشا جۇمىس ناتيجەلەرى جان- جاقتى قاراستىرىلىپ، پايدالانۋ اياسىن كەڭەيتۋ ماسەلەلەرى مۇددەلى تاراپتارمەن تالقىلاناتىن بولادى.
ەستەرىڭىزگە سالا كەتەيىك، كولىك ءمينيسترىنىڭ 2023 -جىلعى 27-قىركۇيەكتەگى №14 بۇيرىعىمەن جۇرگىزۋشىلەردى رەيستىڭ الدىندا جانە رەيستەن كەيىن مەديتسينالىق كۋالاندىرۋدان بالاما تۇردە وتكىزۋگە قاتىستى اۆتوموبيل كولىگىمەن جولاۋشىلار مەن باگاجدى تاسىمالداۋ قاعيدالارىنا تۇزەتۋلەر ەنگىزىلگەن بولاتىن.
اتالعان تۇزەتۋلەر بيىل 16-قازاننان باستاپ زاڭدى كۇشىنە ەندى.
