استانادا جارىق باعاسى وسە مە

«استانا - ايماقتىق ەلەكترجەلىلىك كومپانياسى» ەلوردالىق تۇتىنۋشىلارعا ەلەكتر قۋاتىنىڭ تۇراقتى ءارى ساپالى قولجەتىمدىلىگىن قامتاماسىز ەتەدى. كومپانيانىڭ قىزمەت كورسەتۋ كولەمى 104829 شارتتى بىرلىكتى قۇرايدى. قالادا 5393 شاعىن ستانسيا بار، ونىڭ 1781-ىنە «استانا- اەك» قىزمەت كورسەتەدى. ەلەكتر جەلىسىنىڭ ۇزىندىعى 6042 ك م.

- 2020 -جىلى ق ر ۇ ە م تابيعي مونوپوليالاردى رەتتەۋ كوميتەتى استانا قالاسى بويىنشا دەپارتامەنتىنىڭ بۇيرىعى بويىنشا 2025 -جىلعى تاريف 1 كيلوۆاتقا 4 تەڭگە 88 تيىن مولشەرىندە بەكىتىلگەن. 2023 -جىلدىڭ قاڭتارىندا ق ر «تابيعي مونوپوليالار» تۋرالى زاڭىنا، سونىڭ ىشىندە تاريفتى بەلگىلەۋ بولىگىنە وزگەرىستەر ەنگىزىلگەن. سوعان ساي، «استانا- اەك» ا ق جەرگىلىكتى وكىلەتتى ورگاندارعا جىلىنا ءبىر رەت شىعىنداردىڭ وسۋىنە بايلانىستى تاريفتى قايتا قاراۋعا ءوتىنىم بەرە الادى، - دەدى اتالعان كومپانيانىڭ باسقارما ءتوراعاسىنىڭ ەكونوميكا جانە قارجى جونىندەگى ورىنباسارى نۇرلان وڭعاربايەۆ.

كومپانيا وكىلى شىعىنداردىڭ وسۋىنە ستراتەگيالىق تاۋارلاردى ساتىپ الۋ، قىزمەتكەرلەردىڭ جالاقىسىن كوتەرۋ جانە تەڭگەرىمگە جاڭا نىسانداردىڭ قوسىلۋى اسەر ەتەتىنىن اتاپ ءوتتى.

- «استانا- اەك» ا ق 2025 -جىلعى ءاريفتى قايتا قاراۋ تۋرالى ءوتىنىم ازىرلەدى. وعان ساي ءبىر كيلوۆاتتىڭ باعاسى - 7,94 تەڭگە. بۇل 2024 -جىلعا بەكىتىلگەن تاريفتەن 18,4 پايىز جوعارى، - دەدى ول.

سپيكەردىڭ ايتۋىنشا، 2025 -جىلعى تاريفتىڭ كوتەرىلۋىنە ىقپال ەتكەن نەگىزگى فاكتورلاردىڭ ءبىرى -ينۆەستيتسيالىق باعدارلامانىڭ ءوسۋى. ياعني، قوسىمشا 2003651000 تەڭگە ينۆەستيتسيا تارتىلادى. بۇل شارا ەنەرگيا نىساندارىنىڭ توزۋ كورسەتكىشىن تومەندەتۋ، كورسەتىلەتىن تۇراقتى قىزمەتتەر ساپاسىن جاقسارتۋ، ەلەكتر جەلىلەرىندەگى اپات جاعدايلارىن ازايتۋعا باعىتتالعان.

ايتا كەتەيىك، بۇعان دەيىنگى وتكەن جاريا تىڭداۋدا ەلوردادا كەلەر جىلعا جاڭا جىلۋ تاريفىن بەلگىلەۋ ماسەلەسى كوتەرىلگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى