استانادا جاڭا ونەر مۇراجايى اشىلدى

وعان قالانىڭ گيدتەرى، ەكسكۋرسوۆودتارى، تۋروپەراتورلارى جانە قالانىڭ تۋريستىك قاۋىمداستىقتارى قاتىستى. ءىس-شارا بارىسىندا ۇلتتىق مۋزىكالىق اسپاپتاردىڭ كورسەتىلىمىمەن «جوشى» ەتنو-فولكلورلىق ءانسامبلىنىڭ كونسەرتتىك شوۋى كورسەتىلدى.

سونداي-اق مۇراجاي ەكسپوزيتسيالارى تانىستىرىلدى. مۋزەيدە 1600 دەن استام ۇلتتىق مۋزىكالىق اسپاپ قويىلعان. ونىڭ ىشىندە سيرەك كەزدەسەتىن جانە ۇمىت بولا باستاعان كونە اسپاپتار - جەلبۋاز، مەس سىرناي، ۋىلدەك، تاستاۋىق جانە تاعى باسقالار ەرەكشە ورىن الادى. بۇل اسپاپتاردىڭ بارلىعى مۇراجاي قىزمەتكەرلەرىنىڭ قولىمەن جاسالعان.

مۇراجاي جانىندا بولات سارىبايەۆ اتىنداعى عىلىمي-زەرتحانالىق شەبەرحانا جۇمىس ىستەيتىن بولادى. زاماناۋي قۇرال-جابدىقتارمەن جابدىقتالعان بۇل ورتالىقتا ۇلتتىق مۋزىكالىق اسپاپتار عىلىمي نەگىزدە زەرتتەلىپ، جاڭعىرتىلىپ، كوپشىلىككە ۇسىنىلماق.

سونىمەن قاتار مۇندا ۇلتتىق كيىمدەر مەن باس كيىمدەردىڭ بىرەگەي كوللەكسياسى دا بار. اۋقىمدى مادەني ءىس-شارالار كەزىندە مۋزەي قىزمەتكەرلەرىنەن قۇرالعان JOSHY QAZAQ NATIONAL GROUP مۋلتياسپاپتىق ءانسامبلى ونەر كورسەتەدى.

ايتا كەتۋ كەرەك، مۇراجاي XIX عاسىردىڭ سوڭىندا سالىنعان كونە مەكتەپتىڭ عيماراتىندا ورنالاسقان. 1982-جىلدان باستاپ نىسان رەسپۋبليكالىق ماڭىزى بار تاريح جانە مادەنيەت ەسكەرتكىشتەرى تىزىمىنە ەنگىزىلىپ، مەملەكەت قورعاۋىنا الىنعان بولاتىن.

وسىعان دەيىن مەككە مۇراجايىندا قازاق تىلىندەگى اۋديوگيد ەنگىزىلەتىنىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى