استانادا جاڭا جۇمىس كەستەسى قاشان بەكىتىلەدى

- اكىمدىكتە مەملەكەتتىك قىزمەتشىلەر مەن باسقا دا ۇيىمداردىڭ جۇمىس كەستەسىن وزگەرتۋ تۋرالى ماسەلە قارالىپ جاتىر. بۇل كولىك جۇكتەمەسىن ازايتۋ ءۇشىن قاجەت. قالادا تاڭەرتەڭ جانە كەشكە قاربالاس ۋاقىتتا كولىك كەپتەلىسى پايدا بولادى، اسىرەسە سول جانە وڭ جاعالاۋ اراسىندا ءجۇرۋ وتە قيىن. ءقازىر جۇمىس كەستەسى پىسىقتالىپ جاتىر. كەيبىرەۋىندە ءسال ەرتەرەك باستالسا، باسقالارىندا جۇمىسى ءسال كەيىنىرەك باستالۋى مۇمكىن. 2014-2015-جىلدارى وسى تاجىريبە قولدانىلعان ەدى. جاقىن ارادا ءتيىستى شەشىمدى قابىلدايمىز، - دەدى ت. زەينۇلقابدەن پارلامەنت ءماجىلىسىنىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

سونىمەن قاتار قالالىق ءماسليحات ءتوراعاسى «استاناداعى جۇمىس كەستەسى قىسقارتىلا ما؟» دەگەن ساۋالعا جاۋاپ بەردى.

- جۇمىس ۋاقىتى قىسقارمايدى، تەك جۇمىس كەستەسى رەتتەلەدى. سەگىز ساعاتتىق جۇمىس كەستەسى ساقتالادى، ءبىراق كەيبىرى قىزمەتىنە ەرتەرەك كىرىسەدى، - دەدى ول.

مۇنىمەن قوسا تابيعات زەينۇلقابدەن قالاداعى جۇمىس كەستەسىن وزگەرتۋ قاربالاس ۋاقىتتا جولدارداعى كەپتەلىستى جويۋعا سەپتىگىن تيگىزەتىنىن ايتتى.

- جۇمىس ۋاقىتىن قىسقارتۋمەن كەپتەلىس ماسەلەسى شەشىلمەيدى. ءبىراق كەستەنى 1-1,5 ساعاتقا وزگەرتۋ ەلەۋلى تۇردە اسەر ەتەدى دەپ ويلايمىن، - دەدى ءماسليحات ءتوراعاسى.

بۇعان دەيىن ەلوردادا ورتالىق اتقارۋشى ورگانداردىڭ جۇمىس ۋاقىتى وزگەرۋى مۇمكىن ەكەنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى