استانادا فۋتبول ماتچىنا بايلانىستى 22-اقپاندا جول قوزعالىسىنا ۋاقىتشا وزگەرىس ەنگىزىلەدى
استانا. KAZINFORM - استانادا الداعى سەنبى، ياعني 22- اقپاندا ەكى ءىرى سپورتتىق ءىس-شارا وتەدى: فۋتبولدان قازاقستان سۋپەركۋبوگى ءۇشىن ماتچ جانە «بارىس» ح ك ويىنى.
وسىعان بايلانىستى جولداردا كەپتەلىس جوعارى بولادى دەپ بولجانىپ وتىر. اكىمدىك وسىعان بايلانىستى قالا تۇرعىندارىنا ىڭعايلى بولۋ ءۇشىن جول قوزعالىسىنا ۋاقىتشا وزگەرىستەر ەنگىزىلەتىنىن حابارلادى.
«قايرات» پەن «اقتوبە» فۋتبول ماتچى «استانا ارەنا» ستاديونىندا ساعات 15:00-دە، «بارىس» ح ك حوككەي ماتچى «بارىس ارەنا» ستاديونىندا ساعات 17:00-دە وتەدى.
كولىك اعىنىن بىركەلكى ءبولۋ ءۇشىن ارەنالارعا كىرۋ جانە شىعۋ بويىنشا جەكە مارشرۋتتار ۇيىمداستىرىلاتىن بولادى:
فۋتبول ماتچىنىڭ كورەرمەندەرى ءۇشىن قوزعالىس تەك قابانباي باتىر داڭعىلى ارقىلى جۇزەگە اسىرىلادى.
حوككەي ماتچىنىڭ جانكۇيەرلەرى ءۇشىن تەك تۇران داڭعىلى ارقىلى كىرىپ، شىعۋعا بولادى.
قوزعالىس شەكتەۋلەرى ماتچتار باستالعانعا دەيىن بىرنەشە ساعات بۇرىن ەنگىزىلەدى جانە ولار اياقتالعانعا دەيىن ساقتالادى. جۇرگىزۋشىلەر قوزعالىس باعىتىن الدىن الا جوسپارلاۋى كەرەك. قولايسىزدىق بولماس ءۇشىن قوعامدىق كولىككە مىنگەن.
- استانا قالاسىنىڭ اكىمدىگى ەلوردا تۇرعىندارى مەن قوناقتارىنان ۋاقىتشا وزگەرىستەرگە تۇسىنىستىكپەن قاراۋدى جانە قوزعالىس باعىتىن الدىن الا جوسپارلاۋدى سۇرايدى، - دەلىنگەن حابارلامادا.
«قايرات» - «اقتوبە» كەزدەسۋى قاي تەلەارنادان كورسەتىلەتىنىن جازعان بولاتىنبىز.
