استانادا «دودا» اتتى بىرەگەي شىعارماشىلىق جوبا وتەدى
استانا. قازاقپارات - 27 - اقپاندا روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ ساحناسىندا «دودا» اتتى بىرەگەي جوبا ۇيىمداستىرىلادى، دەپ حابارلايدى astana-akshamy.kz.
ءىس- شارادا تارتىسقا تولى شىعارماشىلىق سايىس پەن تاماشا شوۋ- باعدارلاما ۇسىنىلادى. ساحنادا شەبەر كۇيشىلەر، انسامبلدەر مەن سوليستەر حالىق مۋزىكاسىنىڭ ۇزدىك تۋىندىلارى مەن حورەوگرافيالىق قويىلىمدارىن ورىندايدى.
كەش ەرەكشە فورماتتا وتەدى. ونەرپازدار ۇلتتىق مادەنيەتكە تەرەڭ بويلاپ، قازاق ونەرىنىڭ قىر- سىرىن اشىپ كورسەتەدى. قاتىسۋشىلارعا قىزىقتى سۇراقتار قويىلادى.
ونەر سايىسىندا روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونتسەرتتىك ۇيىمى مەن ەركەعالي راحماديەۆ اتىنداعى مەملەكەتتىك اكادەميالىق فيلارمونيانىڭ بەلگىلى ارتىستەرى ونەر كورسەتەدى.
