استانادا ءتورت اۆتوبۋستىڭ باعىتى وزگەردى
استانا. KAZINFORM - استانادا №1, №6, №11 جانە №85 قالالىق اۆتوبۋس مارشرۋتتارىنىڭ قوزعالىس سىزباسى ۋاقىتشا وزگەردى. بۇل تۋرالى 30-ناۋرىزدا CTS كولىك كومپانياسى مالىمدەدى.
- قۇرمەتتى جولاۋشىلار! مارشرۋتتاردىڭ قوزعالىس باعىتى ۋاقىتشا وزگەرتىلدى، - دەلىنگەن كومپانيانىڭ Instagram-داعى رەسمي پاراقشاسىندا.
وزگەرىستەردىڭ سەبەپتەرى مەن ولاردىڭ قانشا ۋاقىتقا سوزىلاتىنى تۋرالى كومپانيا ناقتىلامادى. جولاۋشىلارعا مارشرۋتتاردى جوسپارلاۋ كەزىندە بۇل وزگەرىستەردى ەسكەرىپ، جاڭارتىلعان اقپاراتتى باقىلاۋ ۇسىنىلادى.
بۇعان دەيىن № 41 اۆتوبۋسىنىڭ باعىتى ۋاقىتشا وزگەرەتىنى حابارلانعان بولاتىن.
