استانادا ءبىر مەزەتتە 3 مىڭنان استام وقۋشى «قاماجاي» ءبيىن بيلەدى

ەلوردا اكىمدىگىنىڭ مالىمەتىنشە فلەشموب «ناۋرىزناما» ونكۇندىگى اياسىندا ءوتىپ، ۇلتتىق كيىم كۇنىنە ورايلاستىرىلدى. ۇيىمداستىرۋشىلار - ەلوردالىق ءبىلىم باسقارماسى مەن تەحنيكالىق جانە كوركەم شىعارماشىلىق ورتالىعى.

- «قاماجاي» - قازاقتىڭ ۇلتتىق بيلەرىنىڭ ءبىرى. ول نازىكتىكتى، ادەمىلىكتى بەينەلەيدى. ال مۇنداي اۋقىمدا ونەر كورسەتۋ ەرەكشە اسەر قالدىرۋمەن قاتار، مادەنيەتىمىزدى كەڭىنەن ناسيحاتتاۋ ءۇشىن دە ماڭىزدى. قىزدار دايىندىقتارىنىڭ جوعارى دەڭگەيدە ەكەنىن كورسەتتى، ءبىز ولاردىڭ ونەرىن ماقتان تۇتامىز، - دەيدى «شاشۋ» فولكلورلىق ءانسامبلىنىڭ شىعارماشىلىق جەتەكشىسى راحات ءتاۋىرجان.

فلەشموب ەرەكشە ساتپەن اياقتالدى: كورەرمەندەر بي بيلەگەن وقۋشى قىزدارعا قوسىلىپ، ولاردىڭ قيمىلىن قايتالادى. سول سياقتى ءبيشى قىزدار قىزعالداق گۇلىنە ۇقساپ، ادەمى كورىنىس جاسادى.

سونىمەن قاتار، ءىس-شارادا ۇلتتىق كيىمدەردىڭ ءسان كورسەتىلىمى ءوتتى، وندا استانا كوللەدجدەرىنىڭ ستۋدەنتتەرى قازاقتىڭ ءداستۇرلى كيىمدەرىن كورسەتتى.

ايتا كەتەيىك، 14-ناۋرىزدا قازاقستاندا ناۋرىز مەيرامىن تويلاۋعا ارنالعان ناۋرىزنام ونكۇندىگى باستالدى. وسى 10 كۇن ىشىندە استانادا مەرەكەگە وراي 200 دەن استام اۋقىمدى شارالار - كونسەرتتەر، كورمەلەر، قويىلىمدار، شىعارماشىلىق كەشتەر جانە ت. ب. وتەدى.

ايتا كەتەلىك ەلوردادادا 15 مەترلىك جەنت جاسالعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى