استانادا ايالدامانىڭ اينەگىن سىندىرعان ادامدى ۆيدەوعا تۇسىرگەن تۇرعىن قاماۋعا الىندى

سوتتا Instagram الەۋمەتتىك جەلىسىندە ايالدامادا بەيتانىس ادام ايالداما پاۆيلونىنىڭ اينەگىن ادەيى سىندىرىپ، ال ر. ەسىمدى ازامات تەلەفونعا ءتۇسىرىپ، سويلەگەن سوزىندە ادەپسىز ءسوز ايتقانى انىقتالدى (ايالداما پاۆيلونىنىڭ اينەگىن سىندىرعان ادامعا قاتىستى ءىس ءالى قارالعان جوق).

«سوتتا ر. ءوزىنىڭ كىناسىن تولىق مويىندادى جانە جاساعان ىسىنە وكىنىپ، بولعان وقيعانى ماس كۇيىندە جاساعانىن ءتۇسىندىردى. ر. كىناسى ونىڭ سوت وتىرىسىندا جانە سوتقا دەيىنگى ءىس جۇرگىزۋ بارىسىندا بەرگەن تۇسىندىرمەلەرىمەن، بەينەجازبامەن جانە اكىمشىلىك قۇقىق بۇزۋشىلىق تۋرالى حاتتامامەن دالەلدەندى. وسى باپتىڭ سانكسياسى 20 ا ە ك مولشەرىندە ايىپپۇل تۇرىندەگى جازانى نە 5 تەن 15 تاۋلىككە دەيىنگى مەرزىمگە اكىمشىلىك قاماققا الۋدى كوزدەيدى»، - دەلىنگەن حابارلامادا.

سوت جاسالعان قۇقىق بۇزۋشىلىق ءۇشىن كىنالىنىڭ وكىنۋىن جەڭىلدەتەتىن ءمان-جاي جانە ماس كۇيىندە قۇقىق بۇزۋشىلىق جاساۋدى اۋىرلاتاتىن ءمان-جاي دەپ تانىدى.

«ر. سوتتىڭ قاۋلىسىمەن اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگى بويىنشا قۇقىق بۇزۋشىلىق جاساعانى ءۇشىن كىنالى دەپ تانىلدى جانە 7 تاۋلىك مەرزىمگە اكىمشىلىك قاماۋعا الىندى»، - دەلىنگەن حابارلامادا.

قاۋلى زاڭدى كۇشىنە ەنگەن جوق.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى