استانادا اتاۋلى الەۋمەتتىك كومەك الۋشىلار سانى ازايعان

ونىڭ سوزىنشە، الەۋمەتتىك كومەك زەينەتكەرلەرگە، سوعىس ارداگەرلەرىنە، مۇگەدەكتەرگە، كوپبالالى وتباسىلارعا جانە الەۋمەتتىك از قامتىلعان ازاماتتارعا تەگىن قىزمەت كورسەتۋ مەن اقشالاي تولەمدەر تۇرىندە كورسەتىلەدى.

- الەۋمەتتىك قولداۋ كورسەتۋدىڭ نەگىزگى تەتىكتەرىنىڭ ءبىرى - اتاۋلى الەۋمەتتىك كومەك (ا ا ك). ول جان باسىنا شاققانداعى ورتاشا تابىسى كەدەيلىك شەگىنەن تومەن وتباسىلارعا بەرىلەدى. ا ا ك ەڭبەككە قابىلەتتى ازاماتتاردى جۇمىسپەن قامتۋعا ىنتالاندىرىپ، كەدەيلىك شەگىنەن شىعۋعا مۇمكىندىك بەرەدى، - دەدى يليا سكۋب.

باسقارما باسشىسى 2025-جىلدىڭ باسىنان باستاپ ەلوردادا ا ا ك 1506 وتباسىعا (7768 ادام) تاعايىندالعانىن اتاپ ءوتتى. ونىڭ ىشىندە شارتسىز كومەك 780 وتباسىعا، شارتتى كومەك 887 وتباسىعا بەرىلدى. ال 350 وتباسىعا ءوتىنىش قاناعاتتاندىرىلماعان. سالىستىرار بولساق، 2024-جىلى بۇل كورسەتكىش 2614 وتباسىنى (13269 ادام) قامتىعان.

- ا ا ك- كە قوسىمشا رەتىندە 1 جاستان 6 جاسقا دەيىنگى بالالارعا اي سايىن 1,5 ا ە ك مولشەرىندە تولەم تاعايىندالادى. 2025-جىلى بۇل تولەم 5898 تەڭگەنى قۇرايدى، - دەيدى ول.

يليا سكۋبتىڭ ايتۋىنشا، ا ا ك الۋشىلار اراسىنداعى ەڭبەككە ورنالاسۋ ۇلەسى %65,7 دى قۇراپ وتىر. بۇل جوسپارعا تولىق سايكەس كەلەدى. جىل سايىن كورسەتكىشتىڭ تومەندەۋى - ەڭبەكپەن قامتۋ شارالارىن ىسكە اسىرۋ جانە جەكە كاسىپ اشۋعا جاعداي جاساۋدىڭ ناتيجەسى.

سونىمەن قاتار، ا ا ك جۇيەسىن جەتىلدىرۋ ءۇشىن ءبىرقاتار سيفرلىق شەشىم ەنگىزىلگەن. ماسەلەن، ۋچاسكەلىك كوميسسيالاردىڭ جۇمىسىن جەڭىلدەتەتىن FSM Social موبيلدى قوسىمشاسى ىسكە قوسىلدى. ول تەكسەرۋ راسىمدەرىن جەدەلدەتىپ، دەرەكتەردىڭ اشىقتىعىن قامتاماسىز ەتەدى. بۇدان بولەك، 2023-جىلدان بەرى قولدانىلىپ كەلە جاتقان سيفرلىق وتباسى كارتاسى ازاماتتاردىڭ ءال-اۋقات دەڭگەيىن 84 كورسەتكىش بويىنشا باعالايدى.

- الەۋمەتتىك قولداۋدىڭ باستى ماقساتى - تەك كومەك كورسەتۋ عانا ەمەس، ازاماتتاردى جۇمىسپەن قامتۋعا تارتىپ، كەدەيلىك شەڭبەرىنەن شىعارۋ. جاڭا سيفرلىق شەشىمدەر بىزگە الەۋمەتتىك ساياساتتى ادىلەتتى ءارى ءتيىمدى جۇرگىزۋگە مۇمكىندىك بەرەدى، - دەدى باسقارما باسشىسى.

سپيكەر ءوز سوزىندە استانا قالاسى بويىنشا 2025-جىلدىڭ 4-توقسانىندا كەدەيلىك شەگى 45541 تەڭگە بولىپ بەلگىلەنگەنىن ايتىپ ءوتتى.

بۇدان بۇرىن ەڭبەك مينيسترلىگى ا ا ك- تى پرواكتيۆتى تاعايىنداۋدا ج ي- دى قولداناتىنىن ءمالىم ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى