استانادا التىندى زاڭسىز وندىرگەن قىلمىستىق توپ مۇشەلەرى سوتتالدى
استانا. KAZINFORM - بۇگىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا اقمولا وبلىسىندا التىندى زاڭسىز وندىرۋمەن اينالىسقان ادامدار توبىنا قاتىستى قىلمىستىق ءىستى قاراۋ اياقتالدى.
بۇل تۋرالى سوتتىڭ باسپا ءسوز قىزمەتى ءمالىم ەتتى.
- كولىك پروكۋراتۋراسىنىڭ مەملەكەتتىك ايىپتاۋشىسى سوتتا ۇيىمداسقان قىلمىستىق توپتىڭ 12 قاتىسۋشىسى قۇرامىندا التىن بار كەندى زاڭسىز وندىرۋمەن جانە وڭدەۋمەن، سونداي-اق، زەرگەرلىك بۇيىمداردى قولدان وندىرۋمەن اينالىسقانىن دالەلدەي الدى، - دەلىنگەن حابارلامادا.
جالعان التىن زەرگەرلىك بۇيىمدار ەلدىڭ بازارلارى مەن زەرگەرلىك دۇكەندەرىندە ساتىلعان.
قىلمىستىق سحەمانى رەسەي مەن ۋكراينا ازاماتتارىن تارتا وتىرىپ، قازاقستان ازاماتى ۇيىمداستىرعان.
مەملەكەتكە كەلتىرىلگەن زالال 250 ميلليون تەڭگەنى قۇرادى.
سوتتالعاندار ءارتۇرلى مەرزىمگە باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
