استانادا 5G جەلىسىنىڭ نەشە ستانساسى ورناتىلدى
سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تەلەكوممۋنيكاتسيالار كوميتەتى سىمسىز بايلانىس جوبالاردى دامىتۋ جانە مونيتورينگىلەۋ باسقارماسىنىڭ باسشىسى ولجاس كابەنوۆ استانادا 5G جۇيەسىن ىسكە قوسۋ بارىسى جايىندا ايتتى، دەپ حابارلايدى Kazinform.
«5G بويىنشا استانادا 70-تەن استام بازالىق ستانسا ورناتىلعان. جالپى قازاقستان بويىنشا 600 دەن استام بازالىق ستانسا قويىلدى. بۇل نەگىزىنەن ادام كوپ شوعىرلانعان اۋماقتار»، - دەدى ولجاس قابەنوۆ Kazinform ءتىلشىسىنىڭ سۇراعىنا جاۋاپ بەرە وتىرىپ.
ونىڭ ايتۋىنشا، 5G جەلىسىن قاي اۋدانداردا ورناتاتىنىن بايلانىس وپەراتورلارى وزدەرى شەشەدى.
«ءبىز وپەراتورلاردى قانداي دا ءبىر ناقتى ورىندارعا بازالىق ستانسا ورناتۋعا ماجبۇرلەمەيمىز، ولار بۇل ستانتسيالاردى وزدەرى جوسپارلاپ، ورناتادى. اتاپ ايتقاندا، قالانىڭ 75 پايىزدان كەم ەمەس اۋماعىن قامتۋدى قامتاماسىز ەتەتىن جالپى تالاپ قويىپ وتىرمىز»، - دەدى ۆەدومستۆو وكىلى.
ونىڭ سوزىنە قاراعاندا، جىل اياعىندا ناقتى كورسەتكىشتەر جاريالانادى. بيىلعى جوسپاردا قالانىڭ %15 قامتۋ ەسكەرىلگەن.
ايتا كەتەيىك، بيىل ەلىمىزدە 5G جاڭا ۇيالى بايلانىس جەلىسىن ەنگىزۋ باستالدى.
جۇرگىزىلگەن جۇمىستىڭ ناتيجەسىندە 2025 -جىلدىڭ سوڭىنا دەيىن رەسپۋبليكالىق ماڭىزى بار قالالار اۋماعىنىڭ 75 پايىزى، وبلىس ورتالىقتارى اۋماعىنىڭ 60 پايىزى 5G تەحنولوگياسىمەن قامتاماسىز ەتىلەدى.
سونىمەن قاتار، جوبا اياسىندا 2027 -جىلعا قاراي رەسپۋبليكالىق ماڭىزى بار قالالاردىڭ 75 پايىزىندا، وبلىس ورتالىقتارىنىڭ 60 پايىزىندا 5G تەحنولوگياسى قوسىلادى.
