استانادا 31-جەلتوقساندا جۇگىرۋدەن جارىس وتەدى
جاڭا جىل تۇنىندە استانادا جۇگىرۋدەن جاپپاي جارىس وتەدى. قاتىسۋشىلار 2024 مەتر قاشىقتىقتى ەڭسەرۋدى جوسپارلاپ وتىر، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
جارىس 31-جەلتوقساندا بوتانيكالىق باقتان (تۇركىستان كوشەسى مەن ورىنبور كوشەسىنىڭ قيىلىسى) باستالىپ، ەكسپو-داعى باس شىرشانىڭ اۋماعىندا اياقتالادى. باستالۋى - 21:00-دە. ال 2023 -جىلدىڭ 31-جەلتوقسانىندا ساعات 20:30-دا جارىسقا قاتىسۋشىلارعا پاكەت بەرىلەدى.
جارىس الدىندا فيتنەس جاتتىقتىرۋشىلارمەن دەنەىن قىزدىرۋ ماقساتىندا جاتتىعۋلار، ءتۇرلى باعدارلامالار بولادى.
قاتىسۋشىلار اراسىندا جاڭا جىلدىق لوتەرەيادا جۇلدەلەر ويناتىلادى. بارلىق قاتىسۋشى مەدالدارمەن ماراپاتتالادى.
سپورتتىق ءىس-شاراعا قاتىسۋعا نيەت بىلدىرۋشىلەر شاقىرىلادى. نەگىزگى قاشىقتىق 2024 مەتردى قۇرايدى.
جارىس اياقتالعاننان كەيىن باس شىرشا ماڭىندا كونتسەرتتىك باعدارلاما، لوتەرەيا جانە قاتىسۋشىلاردى ماراپاتتاۋ ءراسىمى وتەدى.
