استانادا 20- قىركۇيەك كۇنى وتەتىن ماڭىزدى ءىس-شارالار اڭداتپاسى

9.30 دا قازمەديا ورتالىعىنىڭ كونسەرت زالىندا Astana Media Week - 2023 باستالادى. وندا قازاقستان مەن شەتەلدەن كەلگەن مەديايندۋستريانىڭ جەتەكشى ساراپشىلارى تەز وزگەرەتىن مەديا ورتا كونتەكستىندە ءداستۇرلى مەديا الدىندا تۇرعان وزەكتى سىن-قاتەرلەردى تالقىلايدى.

10.00 دە دوستىق ۇيىندە قازاقستان حالقى اسسامبلەياسى «ەتنوسارالىق قاتىناستار سالاسىنداعى مەملەكەتتىك ساياساتتىڭ جاي-كۇيى مەن پەرسپەكتيۆالارى» تاقىرىبىندا جالپى رەسپۋبليكالىق عىلىمي-پراكتيكالىق كونفەرەنسيا وتكىزەدى.

11.00 دە انا مەن بالا ۇلتتىق عىلىمي ورتالىعىندا رەتينوپاتيانى دياگنوستيكالاۋعا ارنالعان جابدىقتار تاپسىرىلادى.

12.00 دە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «قازاقستانداعى ەڭبەك كۇنى» تاقىرىبىمەن باسپا ءسوز ءماسليحاتى وتەدى. سپيكەر: ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ. كورسەتىلىم سىلتەمەلەرى: https://www.youtube.com/user/ortcomkz، https://ru-ru.facebook.com/ortcomkz

15.00 دە ق ر قارۋلى كۇشتەرىنىڭ ۇلتتىق اسكەري-پاتريوتتىق ورتالىعىندا قازاقستان حالقىنىڭ تىلدەرى كۇنىنە وراي «ءتىل - تاتۋلىق تىرەگى» بايقاۋى ۇيىمداستىرىلادى.

15.00 دە پارلامەنت ءماجىلىسىنىڭ جالپى وتىرىسى باستالادى.

15.00 دە ەسىل وزەنىنىڭ سول جاعالاۋىنداعى ايلاقتا 2023-جىلعا ارنالعان بالىق رەسۋرستارىنىڭ ءوسىمىن مولايتۋ جونىندەگى مەملەكەتتىك تاپسىرىس شەڭبەرىندە بالىق شارۋاشىلىعى كوميتەتى ەسىل وزەنىن بالىقتاندىرۋ بويىنشا باسپا ءسوز تۋرىن وتكىزەدى.

19.00 دە جاس كورەرمەندەردىڭ مۋزىكالىق تەاترىندا «گاۋھارتاس» مۋزىكالىق دراماسى قويىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى