استانادا 100 كىتاپتىڭ تۇساۋى كەسىلدى
استانا. KAZINFORM - بۇگىن ەلوردا دا «زەردەلى» اقىل- وي دامىتۋ ورتالىعىنىڭ 10 جىلدىعىنا ارنالعان «10 جىلدا جارىق كورگەن 100 كىتاپ» اتتى تۇساۋكەسەر كەش ءوتتى، دەپ حابارلايدى قازاقپارات ءتىلشىسى.
ق ر ۇلتتىق اكادەميالىق كىتاپحاناسىندا وتكەن ءىس- شاراعا، ق ر پارلامەنتى سەناتىنىڭ دەپۋتاتتارى مەن اقىن- جازۋشىلار، ءبىرقاتار مەملەكەتتىك ءبىلىم مەكەمەلەرىنىڭ باسشىلارى قاتىستى. مەرەكەلىك شارادا ەلىمىزدىڭ ءبىلىم سالاسىن دامىتۋعا باعىتتالعان ءبىلىم ورداسىنىڭ ون جىلدىق جەتىستىكتەرى تانىستىرىلىپ، زەردەلى باسپاسى شىعارعان اۆتورلىق وقۋلىقتاردىڭ تۇساۋكەسەرى ءوتتى.
شارانىڭ اشىلۋىندا ق ر پارلامەنتى سەناتىنىڭ دەپۋتاتى بەكبول تىلەۋمۇرات ۇلى: «ەلدىڭ دامۋى ءۇشىن ءاربىر ادامنىڭ تەرەڭ ءبىلىمدى نەمەسە ەڭبەكقور بولۋى ماڭىزدى. پرەزيدەنتىمىز قاسىم- جومارت توقايەۆ اتاپ وتكەندەي، بىزگە «تەحنوكراتيالىق ەل» بولۋ ءۇشىن ماتەماتيكا مەن جاراتىلىستانۋ پاندەرىنىڭ ساپاسىن ارتتىرۋ قاجەت. زەردەلى مەكتەپتەرى وسى ماقساتقا ادال قىزمەت ەتىپ كەلەدى. 10 جىل ىشىندە 100 وقۋلىق جازۋ - ەل دامۋىنا قوسقان زور ۇلەس»، - دەپ اتاپ ءوتتى.
كىتاپتار مازمۇنى بويىنشا ماتەماتيكا، جاراتىلىستانۋ، گۋمانيتارلىق جانە اعىلشىن ءتىلى پاندەرىنە ارنالعان ەڭبەكتەرگە توپتاستىرىلدى. ءاربىر تۇساۋكەسەر راسىمىنە ارنايى شاقىرىلعان قۇرمەتتى قوناقتار اتسالىستى.
«زەردەلى» ورتالىقتارى مەن مەكتەپتەر جەلىسىنىڭ نەگىزىن قالاۋشى ىرىسبەك ءماۋىتتىڭ ايتۋىنشا، بۇل ەڭبەكتەر مەكتەپ وقۋشىلارىنىڭ لوگيكالىق ويلاۋ قابىلەتىن دامىتۋعا جانە وليمپيادا دايىندىعىن جەتىلدىرۋگە باعىتتالعان.
پرەزيدەنتىمىز قاسىم-جومارت كەمەل ۇلى توقايەۆ اتاپ وتكەندەي، بىزگە ورنىقتى دامىپ، باسەكەگە قابىلەتتى بولۋ ءۇشىن ماتەماتيكا مەن جاراتىلىستانۋ پاندەرىنىڭ ساپاسىن ارتتىرۋ قاجەت. سوندا عانا ساياساتىمىزعا سايكەس «تەحنوكراتيالىق ەل» بولا الامىز دەگەن ۇستانىمىن باسشىلىققا العان ىرىسبەك ءماۋىتتىڭ وسى جولعا قوسقان ۇلەسى زور.
«Zerdeli - 2014 -جىلى بالالارعا ماتەماتيكا مەن لوگيكادان قوسىمشا ءبىلىم بەرۋ ورتالىعى رەتىندە اشىلعان. 2021 -جىلى حالىقارالىق مەكتەپتىڭ نەگىزى قالاندى. قازىر استانا، الماتى، شىمكەنت قالالارى مەن وبلىستاردا 7 مەكتەپ، 50 جۋىق ورتالىق، 1200 ۇستاز، 20 مىڭنان استام وقۋشى بار. بولاشاقتاعى ماقساتىمىز، ماتەماتيكا مەن IT جانە اعىلشىن ءتىلىن تەرەڭدەتىپ وقىتاتىن، قازاق تىلىندە ءبىلىم بەرىپ، ۇلتتىق تاربيەنى بويعا سىڭدىرە بىلەتىن «ۇزدىك 50 مەكتەپ» اشۋ. ەلىمىزدەگى نازاربايەۆ زياتكەرلىك مەكتەبى سىندى ۇزدىكتەرگە باسەكە ورناتىپ، ءبىلىم سالاسىنىڭ دامۋىنا ۇلەس قوسۋ»، - دەدى ورتالىق ديرەكتورى، تانىمالى ماتەماتيك، ۇزدىك پەداگوگ رىسبەك ءماۋىت ۇلى.
