استانا ۆوكزالىنداعى جارىلىس: ت ج م حابارلاما تاراتتى
الماتى. KAZINFORM - استانا ۆوكزالىندا ورىن العان توتەنشە وقيعاعا قاتىستى ت ج م حابارلاما تاراتتى.
ەلوردالىق پوليسيا دەپارتامەنتىنىڭ ورتالىق جەدەل باسقارماسىنىڭ دەرەگىنشە، سارىارقا اۋدانىنداعى گەتە كوشەسىندە جارىلىس بولعان.
ق ت ج بولىمشەسى كەزەكشىسىنىڭ مالىمەتىنشە، 12-سۇرىپتاۋ جولىندا پلاتفورماداعى كونتەينەردە ءدۇمپۋ ورىن الدى.
ال ت ج م وقيعا ورنىنا دەرەۋ قۇتقارۋشىلار جەتكەنىن مالىمدەدى.
- ءورت بولعان جوق. زارداپ شەككەندەر دە بايقالمادى. وقيعا ناتيجەسىندە ءبىر ادام جارىقشاقتان قولىن ازداپ كەسىپ العان. جەدەل مەديتسينالىق جاردەم بريگاداسى وقيعا ورنىندا كومەك كورسەتتى، اۋرۋحاناعا جاتقىزۋ قاجەتى بولمادى، - دەلىنگەن ۆەدومستۆو دەرەگىندە.
وقيعانىڭ سەبەپتەرى مەن ءمان-جايلارى ناقتىلانۋدا.
ايتا كەتەيىك، استانا ۆوكزالىندا جۇك كونتەينەرى جارىلدى.
