استانا تۇرعىنى ۇرلانعان موپەدىن ءوزى تاۋىپ، پوليتسياعا حابار بەرگەن
استانا تۇرعىنى پوليتسياعا جۇگىنىپ، مەيرامحانانىڭ جانىنداعى اۆتوتۇراقتا قالعان موپەدىنىڭ جوعالعانى تۋرالى حابارلاعان. تەرگەۋ بارىسىندا الماتى اۋدانى پوليتسيا باسقارماسىنىڭ قىزمەتكەرلەرى كولىك قۇرالىنىڭ اتالعان مەكەمەدە داياشى بولىپ جۇمىس ىستەيتىن ءوتىنىش بەرۋشىنىڭ ۇلىنا تيەسىلى ەكەنىن انىقتادى.
جاس جىگىت باسقا قالاعا كەتەر الدىندا موپەدتى اۆتوتۇراقتا قالدىرعان، ال ورالعاندا ونىڭ جوعالىپ كەتكەنىن انىقتاعان، ءبىراق ول پوليتسياعا «جوعالىپ كەتتى» دەپ حابارلاماعان.
كەيىنىرەك موپەد يەلەرى سويلەسەتىن قالالىق چاتتاردىڭ بىرىندە جابىرلەنۋشى ءوزىنىڭ موپەدىنە سايكەس كەلەتىن بولشەكتەردى ساتۋ تۋرالى حابارلاندىرۋدى بايقايدى. ول ساتۋشىمەن كەزدەسۋ ۇيىمداستىرىپ، سول جەردە ءوزىنىڭ مۇلكى ەكەنىنە كوز جەتكىزگەن سوڭ پوليتسياعا جۇگىنگەن.
پوليتسيا قىزمەتكەرلەرى زاتتاي دالەلدەمەنى تاركىلەپ، زاڭدى يەسىنە قايتارىپ بەردى.
استانا پوليتسيا دەپارتامەنتى ازاماتتارعا قىراعى بولۋدى ەسكەرتتى. مۇلىك جوعالعان جاعدايدا دەرەۋ پوليتسياعا حابارلاسۋ قاجەت.
