استانا سۋ قويماسى العاش رەت تازارتىلىپ جاتىر
استانا. قازاقپارات- پرەزيدەنت تاپسىرماسىنا سايكەس استانا سۋ قويماسىنىڭ ءتۇبى تازارتىلىپ جاتىر. اۋقىمدى تازارتۋ جۇمىستارى نىسان ىسكە قوسىلعان 55 جىلدا العاش رەت قولعا الىنىپ وتىر. وعان ساعاتىنا 2 مىڭ تەكشە مەتر شوگىندى شىعاراتىن جەرسنارياد جانە قۋاتى 900 تەكشە مەتر بولاتىن كوپ فۋنكسيونالدى تەحنيكا جۇمىلدىرىلعان.
«تازارتۋ جۇمىستارىنان سوڭ گيدرونىساننىڭ سىيىمدىلىعى 47 ميلليون تەكشە مەترگە ارتادى»، - دەيدى ماماندار. جالپى بيىل استانا سۋ قويماسىنان 50 مىڭ توننا لاي شىعارۋ جوسپارلانعان. كەشەندى شارا قازان ايىنا دەيىن جالعاسادى. استانا سۋ قويماسى 1970 -جىلدان بەرى ەلوردا تۇرعىندارىن اۋىزسۋمەن قامتىپ وتىر.
سەرىك سالتەنوۆ، «قازسۋشار» كاسىپورنى اقمولا وبلىستىق فيليالى استانا سۋ قويماسى بولىمشەسىنىڭ باسشىسى:
- سۋ رەسۋرستارى جانە يرريگاتسيا مينيسترلىگىنىڭ ارقاسىندا 2 جەرسناريادتى جۇمىسقا قوسىپ جاتىرمىز. مىنە، مىناۋ تۇرعان ديزەلدىك جەرسنارياد. ساعاتىنا 2 مىڭ تەكشە مەتر قۇم، لاي تازالايدى. ەندى 55 جىلدا كوپ جينالعان عوي. ەكىنشىسى كىشكەنتاي. ساعاتىنا 900 تەكشە مەتر. بۇل ۇلكەنىنە الدىن الا دايىنداپ بەرەدى.
