استانا پروتسەسىنىڭ ناتيجەسىندە سيريا ماسەلەسى شەشىمىن تابادى دەپ ۇمىتتەنەمىز – س ءى م
استانا. KAZINFORM - ق ر سىرتقى ىستەر ءمينيسترىنىڭ ورىنباسارى الىبەك باقايەۆ سيريا بويىنشا 21-حالىقارالىق كەزدەسۋدىڭ قورىتىندىسى بويىنشا مالىمدەمەنى وقىدى.
ونىڭ ايتۋىنشا، مۇددەلى تاراپتار قاقتىعىستىڭ ساياسي شەشىمىن تابادى دەپ ءۇمىتتى.
«تاراپتار ەكى كۇن بويى سيرياداعى جاعدايدى ودان ءارى تۇراقتاندىرۋعا جانە ونداعى گۋمانيتارلىق جاعدايدى جاقسارتۋعا باعىتتالعان اسا ماڭىزدى جانە مازمۇندى كەلىسسوزدەر جۇرگىزدى. استانا پروتسەسىنىڭ ارقاسىندا سيرياداعى جاعداي ايتارلىقتاي تۇراقتانىپ، قالپىنا كەلتىرۋ كەزەڭىنىڭ الدىندا تۇر دەپ ايتۋعا تولىق نەگىز بار»، - دەدى الىبەك باقايەۆ.
سونداي- اق ۆيتسە-مينيستر سيرياعا قاتىستى شەشىلمەگەن ماسەلەلەر كەپىلگەر ەلدەردىڭ كۇش -جىگەرى جانە ب ۇ ۇ-نىڭ تۇراقتى قولداۋ ارقاسىندا ءتيىمدى رەتتەلەتىنىن ايتتى.
«وسىعان بايلانىستى مۇددەلى تاراپتار استانا پروتسەسىنىڭ ناتيجەسىندە قالىپتاسقان قولايلى جاعدايدى بارىنشا پايدالانا وتىرىپ، جانجالدىڭ ساياسي شەشىمىن تابادى دەپ ۇمىتتەنەمىز»، - دەپ تولىقتىردى سپيكەر.
