استانا پروكۋرورى بيشىمبايەۆتىڭ ىسىنە قاتىستى تۇسىنىك بەردى

بۇل تۋرالى استانا قالاسىنىڭ پروكۋرورى ەرلان وتەگەنوۆ مالىمدەدى، دەپ حابارلايدى Kazinform.

«كۇدىكتى قۋاندىق بيشىمبايەۆقا قاتىستى 2 اي مەرزىمگە قاماۋعا الۋ تۇرىندەگى بۇلتارتپاۋ شاراسى سانكتسيالاندى. تەرگەۋ امالدارى ءالى جالعاسىپ جاتىر. بۇل ءىس بويىنشا ەكىنشى كۇدىكتى - استاناداعى «گاسترو- ورتالىق» ديرەكتورى. ولار ءبىر-بىرىنە تۋىس ادامدار»،- دەدى ە. وتەگەنوۆ ەلوردادا كاسىپكەرلەر ماسەلەسىن تالقىلاۋعا ارنالعان جيىننان كەيىن تىلشىلەر سۇراعىنا جاۋاپ بەرە وتىرىپ.

قالا پروكۋرورى قايعىلى وقيعا بولعان ورتالىقتا بەينەكامەرا جازبالارى قالپىنا كەلتىرىلگەنىن راستادى.

«سالتانات نۇكەنوۆانىڭ ناقتى نە سەبەپتەن قايتىس بولعانىن انىقتاۋ ءۇشىن سوت- مەديتسينالىق ساراپتاما جالعاسىپ جاتىر. بۇل جۇمىستار 1 اي شاماسىندا ىسكە اسىرىلادى. سودان كەيىن ساراپتاما ناتيجەسىن جاريالايمىز»، - دەدى ەرلان وتەگەنوۆ.

ەسكە سالايىق، بيىلعى 9-قاراشادا استاناداعى باۋ مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم كەلگەنشە كوز جۇمدى.

كەيىن ىشكى ىستەر مينيسترلىگى قۋاندىق بيشىمبايەۆتىڭ ۇستالعانىن راستادى.

ەلوردا پوليتسيا دەپارتامەنتى قر قىلمىستىق كودەكسىنىڭ 99-بابى 1-بولىگى بويىنشا تەرگەۋ امالدارىن باستادى.

11-قاراشادا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى قۋاندىق بيشىمبايەۆتى 2 ايعا قاماۋعا الۋ بويىنشا بۇلتارتپاۋ شاراسىن سانكتسيالادى.

12-قاراشادا كىسى ءولىمى بولعان «گاسترو- ورتالىق» مەيرامحاناسىنىڭ ديرەكتورى ۇستالدى.

15-قاراشا وتكەن كەڭەستە پرەزيدەنت ق. توقايەۆ ءى ءى م- گە بيشىمبايەۆتىڭ ءىسىن ەرەكشە باقىلاۋعا الۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى