استانا قالاسىنىڭ اۋە كەڭىستىگى ۋاقىتشا جابىلادى
استانا. قازاقپارات - 22 - ءساۋىر مەن 7 -مامىر ارالىعىندا ساعات 10:00 دەن 13:00 گە دەيىن استانا قالاسىنىڭ اۋە كەڭىستىگىندە ۋاقىتشا قوزعالىس شەكتەلەدى. بۇل تۋرالى ق ر كولىك مينيسترلىگى ءمالىم ەتتى.
- قازاقستان رەسپۋبليكاسى قورعانىس مينيسترلىگىنىڭ اقپاراتىنا سايكەس ەلوردادا 2025 -جىلعى 22 -ءساۋىر مەن 7 -مامىر ارالىعىندا ساعات 10:00 دەن 13:00 گە دەيىن اسكەري پارادتى دايىنداۋعا جانە وتكىزۋگە بايلانىستى اسكەري اۆياتسيانىڭ وقۋ-جاتتىعۋ ۇشۋلارىن ورىنداۋ ءۇشىن استانا قالاسىنىڭ اۋە كەڭىستىگىن پايدالانۋعا قىسقا مەرزىمدى شەكتەۋلەر ەنگىزىلەدى، - دەپ حابارلادى ۆەدومستۆودان.
وسىعان بايلانىستى قۇزىرلى ورگان جولاۋشىلار ساپارىن جوسپارلاۋ كەزىندە اتالعان شەكتەۋلەردى ەسكەرىپ، اۋە كومپانيا مەن اۋەجايداعى اقپارات قىزمەتتەرىنەن رەيس كۇيىن تەكسەرۋدى ءوتىندى.
ەسكە سالا كەتەيىك، بۇعان دەيىن سامارقاندقا جاڭا اۋە باعىتى اشىلعانىن جازعان بولاتىنبىز.
