استانا ماڭىنداعى ۇشاق اپاتى: تەرگەۋ باستالدى

- استانا ستانتسياسىنداعى جەلىلىك پوليتسيا باسقارماسى TL-2000 ماركالى جەكە جەڭىل اۋە كەمەسىنىڭ اپاتقا ۇشىراۋى فاكتىسى بويىنشا ق ك 344-بابىنىڭ 3-بولىگىمەن سوتقا دەيىنگى تەرگەپ- تەكسەرۋ باستادى، - دەلىنگەن كولىكتەگى پوليتسيا دەپارتامەنتىنىڭ باسپا ءسوز قىزمەتى حابارلاماسىندا.

اپات سالدارىنان ەكى ادام، ۇشقىش پەن جولاۋشى قازا تاپتى. اپاتتىڭ سەبەپتەرى انىقتالىپ جاتىر.

وزگە اقپارات قىلمىستىق- پروتسەستىك كودەكستىڭ 201-بابىنا سايكەس جاريالاۋعا جاتپايدى

ايتا كەتەلىك استانا ماڭىندا جەڭىل موتورلى ۇشاق اپاتقا ۇشىراپ، ەكى ادام قازا بولعان ەدى.

- كەشە شامامەن ساعات 11.30 دا جولامان اۋەايلاعى ماڭىندا (استانا قالاسى) وقۋ-جاتتىعۋ ۇشۋىن ورىنداۋ بارىسىندا TL-2000 جەڭىل موتورلى ۇشاعى اپاتقا ۇشىرادى. بۇل ۇشاق جەكە تۇلعاعا تيەسىلى. الدىن-الا مالىمەتكە سايكەس بورتتا ەكى ەكيپاج مۇشەسى بولدى. ەكيپاج مۇشەلەرى قازا تاپتى، - دەلىنگەن حابارلامادا.

وقيعانى تەرگەپ-تەكسەرۋ ءۇشىن قولدانىستاعى ەرەجەگە سايكەس اۆياتسيالىق وقيعالار مەن ينتسيدەنتتەر جونىندەگى ارنايى كوميسسيا قۇرىلادى.

كولىك مينيسترلىگىنە قاراستى كولىكتەگى وقيعالار مەن ينتسيدەنتتەردى تەرگەۋ دەپارتامەنتى قىزمەتكەرلەرى اۆياتسيالىق وقيعاعا ورنىنا بارادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى